اسلام آباد(نیوز رپورٹر)وزیر اعظم کے مشیر سیاسی امور رانا ثناء اللہ نے کہاہے کہ جب بھی ضرورت پڑی مفتاح اسماعیل اور شاہد خاقان ہمارے پاس آسکتے ہیں، ہم ان کے پاس جا سکتے ہیں۔ایک انٹرویو میں انہوںنے کہاکہ ہم پرانے دوستوں کو نہیں بھولے، ہمیشہ سے یاد ہیں۔
رانا ثناء اللہ نے کہاکہ مولانا فضل الرحمن کو 26ویں آئینی ترمیم میں ساتھ لے کر چلے، ہم ان کے بغیر آئینی ترمیم کیلئے آگے نہیں بڑھے۔انہوںنے کہاکہ جو بھی مطالبات ہیں، ان پر سیاستدانوں کو بیٹھنا چاہیے، سیاست دان اگر آپس میں بیٹھیں گے تو معاملات سلجھیں گے الجھیں گے نہیں۔
مشیروزیراعظم نے کہاکہ ابتداء میں ہم سے تھوڑی سی کوتاہی ہوئی اس کا ہم نے ازالہ کیا، مولانا فضل الرحمن اور دیگر سیاستدانوں سے بھی بات ہو گی۔رانا ثناء اللہ نے کہاکہ ایسا نہیں ہوتا کسی کا مطالبہ من و عن مان تسلیم کر لیں، کچھ مانا جاتا ہے کچھ منوانا جاتا ہے۔
