اسلام آباد (کورٹ رپورٹر)معروف قانون دان خواجہ حارث توشہ خانہ کیس میں چیئرمین پی ٹی آئی کی قانونی ٹیم سے الگ ہوگئے۔
ذرائع کے مطابق خواجہ حارث نے چیئرمین پی ٹی آئی کی قانونی ٹیم میں ڈسپلن پر تحفظات پر علیحدگی کا فیصلہ کیا۔سپریم کورٹ اور ہائی کورٹ میں چیئرمین پی ٹی آئی کی نمائندگی لطیف کھوسہ اور دیگر کریں گے۔ذرائع کے مطابق خواجہ حارث نے کیس کی تمام فائلیں چیئرمین پی ٹی آئی کی لیگل ٹیم کو بھجوا دیں۔
نجی ٹی وی کے مطابق ذرائع نے بتایا کہ توشہ خانہ کیس سے متعلق سپریم کورٹ میں زیرِ سماعت درخواست میں بھی خواجہ حارث وکیل نہیں ہوں گے۔خواجہ حارث نے اسلام آباد ہائی کورٹ کے چیف جسٹس عامر فاروق پر اعتراض نہ اٹھانے کا مشورہ دیا تھا۔
چیئرمین پی ٹی آئی کی لیگل ٹیم کے کچھ ارکان چیف جسٹس کی سربراہی میں بینچ پر اعتراض کا مشورہ دے رہے تھے۔ذرائع کے مطابق کچھ وکلا نے خواجہ حارث کو کہا آپ بینچ پر اعتراض نہ اٹھائیں مگر ہمیں اجازت دیں۔
