پشاور(نمائندہ خصوصی)وزیراعظم میاں محمد شہباز شریف نے کہاہے کہ میں یا ہمارے دوسرے زعما ءبیرون ممالک جاتے ہیں،جب ہمارا استقبال کیا جاتا ہے تو میں ان لوگوں کے چہروں کو دیکھتا ہوں،
استقبال کرنے والوں کے چہرے کہہ رہے ہوتے ہیں کہ یہ آگئے ہم سے پیسہ مانگنے ‘آئی ایم ایف کا پروگرام خوشی سے نہیں مجبوری سے قبول کیا‘ بھکاری پن کے خاتمے کیلئے ہمیں اپنے پاﺅں پر کھڑا ہونا ہوگا‘برادر ازم اور سفارش نے ملک کو تباہ کردیا‘کرپشن نے ملک کی جڑوں کو تباہ کردیا‘جامعات میں ریسرچ اور ڈویلپمنٹ کا کام ٹھپ پڑا ہے،
مہنگائی اور بے روزگاری کا خاتمہ کریں گے‘خیبرپختونخوا نے پاکستان کو دہشتگردی سے بچانے کیلئے تاریخی کردار ادا کیا، دہشتگردی کیخلاف جنگ میں خیبرپختونخوا کے عوام نے بہت قربانیاں دی ہیں‘1 لاکھ لیپ ٹاپس پورے پاکستان میں میرٹ کی بنیاد پر تقسیم کئے جارہے ہیں،لیپ ٹاس کی تقسیم سے ملک میں کلاشنکوف کا کلچر ختم ہو گا، بے روز گاری ختم ہو گی ‘
سعودی عرب کے 2ارب ڈالر دینے پر ولی عہد اور سعودی حکومت کا شکریہ ادا کرتا ہوں‘ہمسایہ اگر ہم سے آگے نکل گیا ہے تو قصور ہمارا ہے ، 90 کی دہائی میں پاکستانی روپیہ کی قدر بھارتی روپے سے زیادہ تھی‘ملک صرف محنت اور مسلسل جدوجہد کی وجہ سے کامیاب ہوتے ہیں،سب متحد ہو کر کام کریں گے تو پاکستان خوشحال ہوگا۔ منگل کے روز پشاور میں فاٹا یونیورسٹی کے فیزون اور طلبا و طالبات میں لیپ ٹاپ تقسیم کرنے کی افتتاحی تقریب کا انعقاد ہوا،
تقریب میں وزیراعظم شہباز شریف نے بطور مہمان خصوصی شرکت کی،تقریب میں وفاقی وزیراطلاعات و نشریات مریم اورنگزیب بھی وزیراعظم کے ہمراہ تھی،وزیراعظم نے یوتھ پروگرام کے تحت خیبرپختوانخوا کے باصلاحیت نوجوانوں میں لیب ٹاپس تقسیم کئے،وزیراعظم محمد شہباز شریف نے فاٹا یونیورسٹی کے فیزون کا افتتاح کر دیا،فاٹا یونیورسٹی کی بنیاد مسلم لیگ (ن) کے دور میں رکھی گئی تھی،
افتتاحی تقریب سے خطاب کرتے ہوئے وزیراعظم شہباز شریف نے کہا کہ پشاور میں میرے لئے خوشی اور اطمینان کا دن ہے،صوبہ خیبرپختوانخوا رحمان بابا اور خوشحال خان کی دھرتی ہے،دہشتگردی کے خلاف جنگ میں خیبرپختوانخوا کے لوگوں نے لازوال قربانیاں دیں،خیبر پختوانخوا دلیر اور غیرت مند لوگوں کا صوبہ ہے۔
وزیراعظم شہبازشریف نے کہاکہ خیبرپختونخوا نے پاکستان کو دہشتگردی سے بچانے کیلئے تاریخی کردار ادا کیا، دہشتگردی کیخلاف جنگ میں خیبرپختونخوا کے عوام نے بہت قربانیاں دی ہیں۔ وزیراعظم نے کہاکہ 1 لاکھ لیپ ٹاپس پورے پاکستان میں میرٹ کی بنیاد پر تقسیم کئے جارہے ہیں،لیپ ٹاس کی تقسیم سے ملک میں کلاشنکوف کا کلچر ختم ہو گا، بے روز گاری ختم ہو گی .
ہم میں صرف ایک چیز کی کمی ہے اور وہ ہے ”ول ٹو ڈو“یہ لمحہ فکریہ ہے، لمحہ فخریہ نہیں، سعودی عرب کی جانب سے 2ارب ڈالر پاکستان کے خزانے میں آچکے ہیں، سعودی ولی عہد، سعودی حکومت کا شکریہ ادا کرتا ہوں انھوں نے مشکل وقت میں پاکستان کا ساتھ دیا۔وزیراعظم شہبازشریف کاکہناتھا کہ ہمسایہ اگر ہم سے آگے نکل گیا ہے تو قصور ہمارا ہے ، 90 کی دہائی میں پاکستانی روپیہ کی قدر بھارتی روپے سے زیادہ تھی،
کپاس کی برآمد بھارت سے زیادہ تھی، ملک صرف محنت اور مسلسل جدوجہد کی وجہ سے کامیاب ہوتے ہیں،سب متحد ہو کر کام کریں گے تو پاکستان خوشحال ہوگا، زراعت اور صنعتوں میں انقلاب لانا ہو گا،لیپ ٹاپ کا منصوبہ نوازشریف کی قیادت میں پنجاب میں شروع کیا تھا، تمام تر مشکلات کے باوجود لیپ ٹاپ طالبعلم علموں میں تقسیم کررہے ہیں، ایک بھی لیپ ٹاپ سفارش پر نہیں دیا جائے گا، صرف اور صرف میرٹ پر لیپ ٹاپس کی تقسیم ہو گی ، دوبارہ موقع ملا تو صوبے کی آبادی کے تناسب سے لیپ ٹاپ دیں گے۔
انہوں نے کہاکہ آئی ایم ایف کا پروگرام خوشی سے نہیں، مجبوری سے قبول کیا، بھکاری پن کے خاتمے کیلئے ہمیں اپنے پاﺅں پر کھڑا ہونا ہوگا، 2ارب ڈالرسے پاکستان کی معیشت مزید مستحکم ہوگی۔ زراعت، آئی ٹی، معدنیات، برآمدات کیلئے جامع پالیسیاں مرتب کی جارہی ہیں، آئیں ملکر ملک کی تقدیر بدل دیں،جامعات میں ریسرچ اور ڈویلپمنٹ کا کام ٹھپ پڑا ہے، مہنگائی اور بے روزگاری کا خاتمہ کریں گے،
آئندہ چند سال میں پاکستان خطے میں خوشحال اور ترقی یافتہ ملک ہوگا، برادر ازم اور سفارش نے ملک کو تباہ کردیا،کرپشن نے ملک کی جڑوں کو تباہ کردیا۔وزیراعظم نے کہاکہ فاٹا نام مناسب نہیں، فاٹا ماضی کی بات ہے، ا?پ نام تجویز کریں۔
