اسلام آباد(کورٹ نیوز )بانی پی ٹی آئی عمران خان سے ملاقاتوں سے متعلق کیسز میں عدالتی حکم کے باوجود مشال یوسفزئی کی توہین عدالت کی درخواست جمعرات کو بھی کاز لسٹ میں شامل نہیں کی گئی۔
اسلام آباد ہائیکورٹ نے گزشتہ روز کازلسٹ منسوخ ہونے پر سخت برہمی کا اظہار کیا تھا ، جسٹس سردار اعجاز اسحاق خان نے جمعرات کو ڈپٹی رجسٹرار اور ایڈووکیٹ جنرل سے تحریری جواب طلب کر رکھا تھا ۔
گزشتہ روز عدالت نے ریمارکس دیئے تھے کہ کیس جمعرات بھی کاز لسٹ میں نہ ہوا تو تب بھی سماعت ہوگی۔ خیال رہے کہ جیل سپرنٹنڈنٹ نے ساری درخواستیں یکجا کر کے ایک لارجر بنچ بنانے کی استدعا کی تھی۔
