کراچی (کامرس ڈیسک)ایک ہفتے کے دوران انٹر بینک اور اوپن مارکیٹ میں روپے کے مقابلے ڈالر کی قدر میں اضافے کا رجحان رہا ۔
فاریکس ایسوسی ایشن آف پاکستان کی رپورٹ کے مطابق ایک ہفتے میں روپے کے مقابلے ڈالر کی قدر میں95پیسے کا اضافہ ریکارڈ کیاگیا جس سے ڈالر کی قیمت فروخت 227.80روپے سے بڑھ کر228.75روپے ہو گئی اسی طرح مقامی اوپن کرنسی مارکیٹ میں 1.90روپے کے اضافے سے ڈالر کی قیمت فروخت 236.60روپے سے بڑھ کر 238.50روپے پر جا پہنچی ۔
فاریکس رپورٹ کے مطابق زیر تبصرہ مدت میں یورو کی قدر میں20پیسے کا اضافہ ریکارڈکیا گیا جس سے یوروکی قیمت فروخت 270روپے سے بڑھ کر270.20روپے ہو گئی تاہم 1.50روپے کی کمی سے برطانوی پونڈ کی قیمت فروخت 307روپے سے کم ہو کر305.50روپے پر آ گئی
فاریکس رپورٹ کے مطابق ہفتہ کو اوپن مارکیٹ میں روپے کے مقابلے ڈالر کی قدرمستحکم رہی جبکہ یورو کی قدر میں80پیسے کی کمی واقع ہوئی تاہم برطانوی پونڈ50پیسے مہنگا ہو گیا ۔
