لاہور (کامرس ڈیسک)فائونڈر گروپ کے سرگرم رکن پاکستان سٹون ڈویلپمنٹ کمپنی کے بور ڈ آف ڈائریکٹرز کے رکن خادم حسین نے کہا ہے کہ اٹلی کے ساتھ پاکستان کی فاضل تجارت کے حجم میں نمایاں اضافہ ہوا ہے .
مالی سال 2022-23کے 11ماہ کے دوران پاکستان کی اٹلی کی برآمدات میں سالانہ بنیادوں پر 9فیصد اضافہ ہوا ہوا ہے جبکہ درآمدات میں 44فیصد کمی ہوئی ہے.
گزشتہ مالی سال کے 11ماہ کے دوران اٹلی کو پاکستانی برآمدات کا حجم1.025ار ب ڈالر ریکارڈ کیا گیا ہے جس سے ملکی صنعتی و تجارتی شعبہ ترقی کررہا ہے ۔ ان خیالات کااظہار انہوںنے فیروز پور بورڈ کے تاجروں کے وفد سے گفتگو کرتے ہوئے کیا۔انہوں نے کہا کہ ملکی برآمدات میں اضافہ سے ملکی زرمبادلہ کے ذخائر میں بھی اضافہ ہورہا ہے اور پاکستانی مصنوعات کی اٹلی میں کھپت بڑھ رہی ہے۔
انہوںنے کہا کہ اٹلی کی ماربل انڈسٹریز میں تجربہ اور جدید ٹیکنالوجی کے استعمال سے ملکی ماربل انڈسٹری ترقی کریگی اور اٹلی کے ماربل انڈسٹریز میں تجربہ سے استفادہ کرکے ملکی ماربل مصنوعات کی بیرون ملک برآمدات میں اضافہ سے ملک کو کثیر زرمبادلہ حاصل ہوگا ۔
فائونڈر گروپ کے رہنما میاں محمد اشرف نے کہا کہ اٹلی پاکستان کے درمیان اقتصادی تعاون کے فروغ سے ملکی برآمدات میں اضافہ زرمبادلہ کے ذخائر بڑھیں گے، اٹلی کے ساتھ توانائی، سٹیل، کیمیکلز ،مائننگ اور دیگر بہت سے شعبوں میں کام سے ملک میں خوشحالی و ترقی آئے گی کیونکہ اٹلی سو فیصد توانائی متبادل ذرائع سے پیدا کررہا ہے.
انہوںنے کہا کہ اٹلی سے تجارتی سرگرمیوں میں اضافہ سے ملکی برآمدا ت اور زرمبادلہ کے ذخائر میں اضافہ ہوگا اور ملک خوشحالی و ترقی کی راہوں پر گامزن ہوگا۔انہوںنے کہا کہ ماربل انڈسٹری میں اٹلی کے تجربہ سے ملکی ماربل انڈسٹریز ترقی کرے گی او ر ماربل کی بیرون ملک برآمدات سے کثیر زرمبادلہ کمایا جاسکتا ہے۔
