لاہور(کامرس ڈیسک)صوبائی دارالحکومت لاہور کی اوپن مارکیٹوں میں گراں فروشی کا سلسلہ بدستور جاری ہے ،بائیکاٹ مہم کی وجہ سے پھلوں کی خریداری کے رجحان میں کمی دیکھنے میں آرہی ہے ۔
سرکاری نرخ نامے کے مطابق آلو کچا چھلکا نیا درجہ اول کی قیمت50 روپے کلو مقرر کی گئی لیکن دکانداروں نے 65روپے فی کلو تک فروخت جاری رکھی ، آلو کچا چھلکا نیا درجہ دوم 46کی بجائے50 سے 55روپے،پیاز درجہ اول125کی 160سے 165روپے، پیاز درجہ دوم115کی بجائے130سے140روپے،ٹماٹر درجہ اول105کی بجائے150،
لہسن دیسی238کی بجائے300 روپے،لہسن چائنہ360کی بجائے420 سے 430روپے ،ادرک تھائی لینڈ645کی بجائے720روپے،کھیرا فارمی50کی بجائے65سے70روپے،میتھی64کی بجائے80 روپے ،بینگن53کی بجائے70سے75روپے،بند گوبھی36کی بجائے50سے 55روپے ،پھول گوبھی57کی بجائے80سے85روپے،شملہ مرچ115کی بجائے150روپے،بھنڈی220کی بجائے280سے300روپے ،شلجم47کی بجائے55 روپے،اروی150کی بجائے180روپے،مٹر150کی بجائے180روپے،کریلا115کی بجائے145 سے 150روپے،سبز مرچ اول120کی بجائے190روپے،
لیموں چائنہ160کی بجائے330سے 340روپے،ٹینڈے دیسی230کی بجائے260روپے،پارلک فارمی35کی بجائے50روپے،گھیا توری120کی بجائے140،گاجر چائنہ50کی بجائے65روپے،گاجر دیسی85 روپے کی بجائے 95روپے جبکہ کچنار 300کی بجائے360 سے 380روپے کلو تک فروخت کی جاتی رہی۔پھلوں میں سیب کالا کولو پہاڑی درجہ اول325کی بجائے400 سے 420روپے،سیب کالا کولو پہاڑی دوم185کی بجائے240سے250،سیب امری اول215کی بجائے260روپے،سیب کالا کولو میدانی اول175کی بجائے230،سیب کالا کولو میدانی دوم130کی بجائے180،سیب سفید اول145کی بجائے200،
کیلا سپیشل درجن 330کی بجائے550 سے 560،کیلا درجہ اول درجن 200کی بجائے300سے320روپے،کیلا درجہ دوم درجن 155کی بجائے200،امرود165کی بجائے220روپے،کنو سپیشل درجن400کی بجائے600روپے،کنو اول درجن240کی بجائے380روپے،کنو دوم درجن135کی بجائے300روپے،اسٹابری اول210کی بجائے260سے270،اسٹابری دوم105کی بجائے120سے130،خربوزہ اول180کی بجائے200،خربوزہ دوم105کی بجائے125روپے جبکہ کھجور ایرانی480کی بجائے590سے600روپے کلو تک فروخت کی گئی۔