دبئی (سپورٹس ڈیسک)انٹرنیشنل کرکٹ کونسل (آئی سی سی) ون ڈے ورلڈ کپ کے شیڈول کا اعلان 27 جون کو کیے جانے کا امکان ہے۔
میڈیا رپورٹس کے مطابق شیڈول ورلڈ کپ کے 100 دن کے کاؤنٹ ڈاؤن کے موقع پر سامنے لایا جا سکتا ہے۔5 اکتوبر سے بھارت میں ہونے والے ورلڈ کپ کے آغاز سے 100 دن کا کاؤنٹ ڈاؤن 27 جون سے شروع ہو گا۔
پہلے شیڈول ورلڈ ٹیسٹ چیمپئن شپ کے فائنل کے موقع پر جاری ہونا تھا، شیڈول میں تاخیر پاکستان کی طرف سے چند وینیوز پر اعتراضات کی وجہ سے ہوئی۔پاکستان نے آئی سی سی کو افغانستان کے خلاف چنئی میں ہونے والے میچ اور آسٹریلیا کے خلاف بنگلور کے میچ کو بدلنے کا کہا تھا۔
ذرائع کے مطابق پاکستان نے کنڈیشنز کی بنیاد پر چنئی اور بنگلور کے میچز کو تبدیل کرنے کا کہا، پاکستان نے افغانستان کے خلاف وارم اپ میچ بدلنے کا بھی کہا تھا، پاکستان نے کسی غیر ایشین ٹیم سے وارم اپ میچ رکھنے کا کہا تھا۔سیکیورٹی کے علاوہ وینیوز تبدیل کرنے کے لیے مضبوط وجہ بتانا ضروری ہے، مضبوط وجہ نہ ہونے کی بنیاد پر پاکستان کا مو?قف تسلیم کیے جانے کا امکان نہیں ہے۔
