کراچی (کامرس ڈیسک ) انٹربینک میں ڈالر کی قیمت میں مسلسل اضافے کے بعد اچانک کمی دیکھنے میں آئی ہے۔
کاروباری ہفتے کے چوتھے روز انٹربینک میں امریکی کرنسی کی قدر 79 پیسے کم ہوئی ہے جس کے بعد انٹربینک میں ڈالر 286 روپے 25 پیسے پر ٹریڈ کر رہا ہے۔یاد رہے کہ گزشتہ روز کاروبار کے اختتام پر انٹربینک میں ڈالر 287 روپے 04 پیسے پر بند ہوا تھا۔
دوسری جانب پاکستان سٹاک مارکیٹ سٹاک ایکسچینج 20 ماہ کی بلند ترین سطح پر پہنچ گئی۔پاکستان سٹاک مارکیٹ میں 558 پوائنٹس اضافے کے ساتھ 100 انڈیکس 47 ہزار 240 پوائنٹس کی سطح پر پہنچ گیا ہے۔
