کراچی (کامرس ڈیسک)روپے کی قدر میں کمی کا سلسلہ برقرار، امریکی کرنسی کی اڑان نہ تھم سکی۔
کاروباری ہفتے کے پہلے روز انٹربینک میں ڈالر کی قیمت میں ایک روپے 22 پیسے کا اضافہ ہوا ہے جس کے بعد انٹربینک میں امریکی کرنسی 297 روپے پر ٹریڈ کر رہی ہے۔
یاد رہے کہ گزشتہ کاروباری ہفتے کے آخری روز انٹر بینک میں ڈالر 295 روپے 78 پیسے پر بند ہوا تھا۔
ادھر اوپن مارکیٹ میں امریکی کرنسی کی قیمت میں 2 روپے اضافہ ہوا ہے جس کے بعد اوپن مارکیٹ میں ڈالر 306 روپے پر فروخت ہو رہا ہے۔
