لاہور (کورٹ رپورٹر) الیکشن کمیشن کا نئی حلقہ بندیوں کروانے کا نوٹیفکیشن لاہور ہائیکورٹ میں چیلنج کر دیا گیا ۔
درخواست لاہور کے شہری کی جانب سے ہائیکورٹ میں دائر کی گئی جس میں الیکشن کمیشن سمیت دیگر کو فریق بنایا گیا ۔ درخواست میں موقف اختیار کیا گیا کہ الیکشن کمیشن نے غیر قانونی طور پر نئی حلقہ بندیوں سے متعلق نوٹیفکیشن جاری کیا ،الیکشن کمیشن غیر قانونی اقدام بند کرئے اور مقررہ مدت میں الیکشن کروائے ۔
استدعا ہے کہ عدالت حلقہ بندیوں سے متعلق نوٹیفکیشن کالعدم قرار دے ،حلقہ بندیوں سے متعلق نوٹیفکیشن پر عملدرآمد فوری روکنے کا حکم دے ۔
