کراچی (نیوز رپورٹر)انصاف ہاوس کراچی میں پی ٹی آئی سندھ کے صدر حلیم عادل شیخ نے یکم فروری سے 8 فروری تک سندھ بھر میں چوری شدہ مینڈیٹ کے خلاف احتجاجی مہم چلانے کے ساتھ 8 فروری کو یوم سیاہ منانے کا اعلان کرتے ہوئے پریس کانفرنس سے خطاب کیا۔
پریس کانفرنس میں پی ٹی آئی کے مرکزی جوائنٹ سیکریٹری آفتاب جہانگیر ، مرکزی کور کمیٹی ممبر خرم شیر زمان، پارلیمانی لیڈر شبیر قریشی، صدر کراچی راجہ اظہر ، سینئر نائب صدر فہیم خان، جنرل سیکریٹری ارسلان خالد ، کے ہمراہ تمام فارم 45 کے ایم این ایز، داوا خان صابر، شجاعت ایڈوکیٹ، حارث میو ، ملک عارف ، ایم پی ایز میں جمال صدیقی، فوزیہ صدیقی ، عبدالقدیر، ڈاکٹر شکیل، ایم پی ات ساجد میر سمیت دیگر رہنما بھی موجود تھے۔
میڈیا سے گفتگو کرتے ہوئے پی ٹی آئی سندھ کے صدر حلیم عادل شیخ نے کہا پیکا ایکٹ کے بعد اللہ پوری قوم پر رحم کرے پہلے ہم پر ظلم کیا جارہا تھا ہم سراپا احتجاج رہے اب میڈیا پر پابندیاں لگائی گئیں اور میڈیا احتجاج کر رہا ہے ہم میڈیا کے احتجاج میں برابر کے شریک ہیں اور اظہار آزادی کی آواز بند کرنے کی سازش کی سخت مخالفت کرتے ہیں۔
حلیم عادل شیخ نے کہا پچھلے سال 8 فروری کو ایک سیاہ دن تھا عام انتخابات میں ملک کے مستبقل پر ڈاکا ڈالا گیا الیکشن سے قبل اور الیکشن کے بعد پی ٹی آئی کو دیوار سے لگانے کی کوشش کی گئی، ہمارا نشان چھینا گیا الیکشن مہم پر پابندیاں لگائی گئی پھر بھی عوام نے پی ٹی آئی کو ووٹ دیا تو ایک سازش کے تحت عوام کا دیا ہوا مینڈیٹ فارم 47 کے ذریعے چھین لیا گیا۔ پاکستان معاشی اور سیاسی سطح پر تنزلی کی طرف چلا گیا۔
جنہوں نے یہ عوام کے مینڈیت پر ڈاکہ ڈالا ہے انہوں نے ملک کے ساتھ زیادتی کی ہے ، بانی پی ٹی آئی عمران خان 700 دن سے جیل میں ہیں، 8 فروری کو پورے ملک میں یوم سیاہ منائیں گے ، آج سے 8 فروری تک پورا ہفتہ چوری شدہ مینڈیٹ کے خلاف یونین کونسل کی سطح پر احتجاجی کمپئین چلائیں گے۔حلیم عادل شیخ نے کہا 8 فروری کی تاریخ کے بعد ہرطرح سے ملک کو نقصان پہنچایا گیا عوام کے حقوق پر ڈاکا ڈالا گیا ملک کو اندھیروں میں دھکیل دیا گیا عوام نے جو اپنا ووٹ دیکر اپنے ضمیر کا فیصلا کیا اس فیصلے کے برعکس عوام کے ووٹ پر ڈاکا ڈالا گیا اورہمارا مینڈیٹ چھینا گیا۔
حلیم عادل شیخ نے کہا فارم 45 کے مطابق قومی اسمبلی کی266 نشتوں میں پی ٹی آئی نے174 جییتی اور جعلسازی کرتے ہوئے فارم 47 کے ذریعے پی ٹی آئی کی 266 میں سے 93 نشتیں کر دی گئیں81 نشتیں پی ٹی آئی کی چھینی گئیں۔ کراچی سے پی ٹی آئی قومی اسمبلی کی 22 نشتوں میں سے 20 جیتی 2 پ پ نے جبکہ لاہور میں 14 پی ٹی آئی نے جیتی اور1 نشت ن لیگ نے جیتی اسی طرح اسلام آباد میں ساری نشتیں 3 پی ٹی آئی نے جیتی، راولپنڈی میں پی ٹی آئی نے قومی اسمبلی کی 5 نشتیں تھی۔
فارم 47 میں جعسازی کے بعد فیک مینڈیٹ بنایا گیا جس کے تحت کراچی میں 17 قومی اسمبلی کی نشتیں ایم کیو ایم کو بطور گفٹ دی گئی کراچی میں ایک کیو ایم کے امیدوار چھٹی ساتویں پوزشین پر بھی نہیں تھے لیکن انہیں کامیاب قرار دیکر کراچی کے مینڈیٹ پر ڈاکا ڈالا گیا اسی طری کراچی میں پیپلزپارٹی کو قومی اسمبلی کی 5 نشتیں دیکر مینڈیٹ چوری کیا گیا۔
حلیم عادل شیخ نے کہا لاہورجہاں ن لیگ کا صفایا ہوگیا تھا فارم 47 میں قومی اسمبلی کی 9 نشتیں مسلم لیگ ن کو دی گئیں2 آئی پی پی اور پی ٹی آئی 3 نشتی دی گئیں اسی طرح ہی سازش کرتے ہوئے اسلام آباد میں مسلم لیگ ن کو 2 نشتوں پر کامیاب قرار دلوایا گیا ایک نشت آزاد امیدوار کو دی گئی۔ راولپنڈی میں بھی وہی واردات کی گئی ن لیگ کو 4 قومی اسمبلی نشتیں چوری کر کے دی گئی ایک نشت پ پ کو اور ایک نشت آزاد امیدوار کو دیکر عوام کے مینڈیٹ پر ڈاکا ڈالا گیا۔ ہماری پنجاب سے 61 قومی اسمبلی کی سیٹیں چوری کی گئیں جبکہ سندھ اور بلوچستان سے 24 نشتیں چوری کی گئیں۔ یہ تمام نتائج ہمارے پاس ہیں عدالت میں جمع کراچکے ہیں۔
پی ٹی آئی رہنما خرم شیر زمان کا کہنا تھا کہ یہ کہہ رہے ہیں اکنامی بہتر ہورہی ہے ، پھر قیمتوں میں کمی کیوں نہیں ہورہی ہے، یہ نا لائق حکمران ہیں یہ نالائق ہی رہیں گے، پیپلز پارٹی کی چھٹی مرتبہ سندھ میں حکومت بنی ہے ، دو نالائقوں کو ساتھ بیٹھنے سے بھی ملک پیچھے ہی گیا ، موجودہ مئیر کراچی بھی جانتے ہیں وہ کیسے میئر بنے ہیں، مرتضی وہاب اگر یہ سمجھتا ہے کہ وہ ووٹ لیکر آئے ہیں تو یہ قیامت کی نشانی ہے ، موجودہ حکومت ابھی کچھ نہیں کرسکتی ہے ، آج افغانستان کی کرنسی ہم سے بہتر ہورہی ہے ، خرم شیر زمان نے کہا ملک میں فسطائیت برھ گئی ہے سیاسی استحکام کے لئے تمام سیاسی ورکرز کو رہا کیا جائے۔
پی ٹی آئی کراچی کے صدر راجہ اظہر نے کہا 8 فروری کو ہمیں تیر اور شیر کہیں نظر نہیں آیا کراچی میں 20 قومی اسبلی کے ساتھ صوبائی اسمبلی کی 36 نشستیں ہم جیتے تھے ہمارے کئی ارکان ے دوبارہ گنتی سے نشتیں چھینی گئی ہم سب کراچی میں اپنی کمپئین کا آغاز کررہے ہیں آج سے مہم شروع ہوگی پورے کراچی میں 8 فروری کو گرینڈ ریلی نکالی جائے گی 8 فروری کو عوام نکلتے ہوئے دیکھائی دے گی۔
٭٭٭٭٭
