اسلام آباد( نمائندہ خصوصی) اسپیکر قومی اسمبلی راجہ پرویز اشرف نے جسٹس ریٹائرڈ مقبول باقر کو نگران وزیر اعلی سندھ تقرری پر مبارکباد دی ہے.
اپنے بیان میںاسپیکر قومی اسمبلی نے جسٹس ریٹائرڈ مقبول باقر کی بطور وزیر اعلیٰ سندھ کامیابی کے لیے نیک خواہشات کا اظہار کیا اور کہاکہ جسٹس ریٹائرڈ مقبول باقر ایک ماہر اور اچھی شورت کے حامل قانون دان ہیں۔
انہوںنے کہاکہ جسٹس مقبول باقر نے ہمیشہ آئین و قانون کی بالادستی کو مدنظر رکھتے بطور قانون دان انصاف پر مبنی فیصلے کیے ہیں۔اسپیکر قومی اسمبلی نے کہاکہ امید ہے بطور نگران وزیر اعلی وہ اپنے آئینی تقاضوں کو پورا کریں گے اور جمہوریت کے تسلسل کے لیے اپنا کردار ادا کریں گے ۔ انہوںنے کہاکہ جسٹس ریٹائرڈ مقبول باقر کی سربراہی میں صوبہ سندھ میں صاف و شفاف انتخابات کا انعقاد ہو گا۔
