اسلام آباد (کورٹ رپورٹر) اسلام آباد ہائی کورٹ نے سابق اسپیکر قومی اسمبلی اسد قیصر کے خلاف صوابی میں درج اینٹی کرپشن کیس میں حفاظتی ضمانت منظور کرتے اینٹی کرپشن کو دس روز تک گرفتاری سے روک دیا۔
تفصیلات کے مطابق عدالت نے اسد قیصر کو پچاس ہزار روپے کے ضمانتی مچلکے جمع کرانے کا حکم دیتے ہوئے شامل تفتیش ہونے اور متعلقہ عدالت میں پیش ہونے کا حکم بھی دیا۔
جسٹس طارق محمود جہانگیری نے ریمارکس دیئے کہ انور تاج والا ہی آرڈر کر رہے ہیں،جمعہ کو آپ نہیں تھے تو درخواست گزار کو تو آنا چاہیے تھا۔ وکیل شر افضل مروت نے عدالت کو بتایا کہ معاون وکیل بہتر طریقے سے عدالت کو آگاہ نہیں کرسکے۔ عدالت نے اسد قیصر کی دس روزہ حفاظتی ضمانت منظور کرتے ہوئے درخواست نمٹا دی۔
