اسلام آباد (نمائندہ خصوصی)وفاقی وزیر احسن اقبال نے ایک بار پھر سابق وزیراعظم عمران خان کو اسمبلی میں آنے کی پیش کش کرتے ہوئے کہا ہے کہ آپ اسمبلی میں آئیں بیٹھیں ملکر الیکشن اصلاحات کرتے ہیں ،
اشیاء کی قیمتوں میں اضافہ عمران خان کے آئی ایم ایف کے معاہدے کے تحت کیا ،اگر اشیاء کی قیمتوں میں اضافہ نہ کرتے تو ملک ڈیفالٹ ہورجاتا،حکومت اپنی معیشت کی بحالی کیلئے تگو دو کررہی ہے،ملکی معیشت زبوں حالی کا شکار ہے ، تمام لوگوں کو ملکر اس میں ساتھ دینا چاہیے،پاکستان کو سیلاب کے نتیجے میں 30 ارب ڈالر کا نقصان ہوا، 9 جنوری کو جنیوا میں رذیلینٹ اکانومی کے حوالے سے اجلاس ہورہا ہے،وزیر اعظم شریک ہونگے۔پریس کانفرنس سے خطاب کرتے ہوئے احسن اقبال نے کہاکہ پاکستان میں سیلاب نے تاریخی تباہی مچائی، پاکستان کو سیلاب کے نتیجے میں 30 ارب ڈالر کا نقصان ہوا۔
انہوںنے کہاکہ پی ڈی ایم کی حکومت آنے سے پہلے یکم اپریل 2022 کو ترقیاتی فنڈز کیلئے رقم جاری نہیں کی گئی۔ انہوںنے کہاکہ پی ٹی آئی حکومت جواب دے آخری سماہی میں پیسے جاری کیوں نہیں کئے، اتنے بڑے سیلاب میں دنیا نے اس بھی بڑی تباہی کی نشاندہی کی تھی۔ وفاقی وزیر نے کہاکہ 9 جنوری کو جنیوا میں رذیلینٹ اکانومی کے حوالے سے اجلاس ہورہا ہے،اجلاس میں پاکستان کے وزیر اعظم پاکستان شریک ہونے گے۔ وفاقی وزیر نے کہاکہ سیلاب سے پاکستان میں زراعت کو خاطر خواہ نقصان اٹھانا پڑا، حکومت کو زرعی اشیاء بیرون ممالک سے امپورٹ کرنا پڑا۔احسن اقبال نے کہاکہ عمران خان نے حکومت سے جاتے ہوئے مصنوعی طور پر پیٹرولیم مصنوعات کی قیمتوں میں کمی کی ،ہم نے اشیاء کی قیمتوں میں اضافہ عمران خان کے آئی ایم ایف کے معاہدے کے تحت کیا ،اگر اشیاء کی قیمتوں میں اضافہ نہ کرتے تو ملک ڈیفالٹ ہورجاتا۔
انہوںنے کہاکہ پی ٹی آئی کی نااہلی کی وجہ سے روپے کی بے قدری ہوئی، پنجاب کی صوبائی حکومت پرائس کنٹرول مینجمنٹ کرنے میں ناکام رہی ہے،پنجاب میں منافع خور مافیا پیسے بنا رہا ہے اور پنجاب حکومت کچھ نہیں کررہی ہے ۔ انہوںنے کہاکہ 2018 تک ہم گندم کپاس چینی میں خودکفیل تھے،عمران خان کی حکومت کی وجہ سے پاکستان کو یہ اشیاء باہر سے امپورٹ کرنا پڑی ۔ انہوںنے کہاکہ پوری دنیا میں مہنگائی تاریخ کی بلند ترین سطح پر ہے،گزشتہ حکومت نے ملکی معیشت کی جڑیں ہی ہلا کر رکھ دی ہیں ۔ انہوںنے کہاکہ حکومت اپنی معیشت کی بحالی کیلئے تگو دو کررہی ہے،اگر گھر میں آگ لگتی ہے تو گھر کا کوئی بندہ اس پر پیٹرول نہیں چھڑکتا ۔ انہوںنے کہاکہ ملکی معیشت زبوں حالی کا شکار ہے اور تمام لوگوں کو ملکر اس میں ساتھ دینا چاہیے،اگر کوئی ساتھ نہیں دیتا تو اسے چپ چاپ بیٹھنا چاہیے۔
انہوںنے کہاکہ پاکستان کا دشمن ملک بھارت بھی نہیں کہہ رہا کہ پاکستان ڈیفالٹ کررہا ہے لیکن پاکستان تحریک انصاف کے نفسیاتی لوگ یہ افواہیں پھیلا رہے ہیں کہ پاکستان ڈیفالٹ کررہا ہے،یہ لوگ پاکستان کو ڈیفالٹ کروانا چاہتے ہیں۔ وفاقی وزیر احسن اقبال نے سابق وزیراعظم عمران خان کو اسمبلی میں آنے کی پیش کش کردی انہوںنے کہاکہ آپ اسمبلی میں آئیں بیٹھیں ملکر الیکشن اصلاحات کرتے ہیں
