ملتان (ایجوکیشن ڈیسک) بہاوالدین زکریا یونیورسٹی کے ڈین پروفیسر ڈاکٹر محمد عزیر نے کہا ہے کہ آن لائن چینی کورسز سے پاکستانی طلباءکو فائدہ ہو گا ، چینی زبان سیکھنا دور حاضرکے تقاضوں میں سے ایک ہے، چینی زبان طلباء کی عملی زندگی میں ان کا اثاثہ بنے گی۔
گوادر پرو کے مطابق پاکستان کی بہاوالدین زکریا یونیورسٹی ( بی زیڈ یو )، چین کی شین یانگ نرمل یونیورسٹی ( ایس وائی این یو ) اور چائنا پلس نے آن لائن چائنیز کلاس روم کی مشترکہ ورکنگ کانفرنس اور لرننگ اچیومنٹ ڈسپلے کا آن لائن انعقاد کیا۔ یہ پروگرام 2021 میں شروع کیا گیا تھا، جو پاکستانی طلباءکو چینی زبان کے مختلف کورسز مفت فراہم کرتا ہے۔ اب تک 500 سے زائد طلباءچینی زبان کے بنیادی کورسز سیکھ چکے ہیں۔
ایس وائی این یو میں چینی زبان کے بین الاقوامی دفتر کے ڈائریکٹر ژانگ وی نے خطاب کرتے ہوے کہا کہ کانفرنس میں آن لائن چینی زبان کا کورس مکمل کرنے والے 150 طلباءمیں اسناد تقسیم کی گئیں۔ اس تعلیمی سال میں، بہاوالدین زکریا یونیورسٹی پاکستان میں 10 آن لائن چینی کورسز پیش کیے جاتے ہیں۔ بہاوالدین زکریا یونیورسٹی کے شعبہ ریاضی کے تمام انڈر گریجویٹ طلباءنے ایچ ایس کے ون سطح کا کورس لازمی کورس کے طور پر لیا ہے۔ اعلی سطح پر طلباءکی ضرورت کو پورا کرنے کے لیے ایچ ایس کے تھری سطح کا نیا کورس ترتیب دیا گیا ہے۔
گوادر پرو کے مطابق ایس وائی این یو کے نائب صدر ٹونگ یوپنگ نے مزید کہا ہمارے اسکول میں کمپیوٹر، کیمسٹری، حیاتیات، طبیعیات، خوراک اور دیگر شعبوں میں بھی فوائد ہیں۔ مستقبل میں، ہم بہا¶الدین زکریا یونیورسٹی کے ساتھ مزید معیاری کورسز کی سرگرمی سے منصوبہ بندی کریں گے۔ گوادر پرو کے مطابق بی زیڈ یو کے ڈین پروفیسر ڈاکٹر محمد عزیر نے کہا کہ چینی زبان سیکھنا دور کے تقاضوں میں سے ایک ہے۔
‘ جن طلباءنے آن لائن کورسز مکمل کیے ہیں وہ یقیناً مبارکباد کے مستحق ہیں۔ میں امید کرتا ہوں کہ چینی زبان نہ صرف ان کے لیے علم کے دروازے کھولے گی بلکہ ان کی عملی زندگی میں بھی ان کا اثاثہ بنے گی۔ گوادر پرو کے مطابق اس موقع پر طلباءنے چینی زبان میں ملی نغمے اور نظمیں پیش کیں۔ مڈل اسکول کی پہلی طالبہ ماہم جبین نے ایک چینی نظم ”min nóng” پیش کی۔ ایک طالب علم نے کہا جب بھی میرا موڈ خراب ہوتا ہے، میں چینی حروف اور پنین کی مشق کرتا ہوں اور بہت زیادہ حوصلہ افزائی کرتا ہوں، یہ لینگویج تھراپی کی طرح محسوس ہوتا ہے ۔
طلباءنے آن لائن زبان کے اساتذہ کا شکریہ ادا کیا، اور کہا کہ یہ کورس ثقافتوں کے درمیان فرق کو ختم کرنے، چینی ہم منصبوں کو بہتر طور پر سمجھنے، اور ان کے ساتھ علم اور افہام و تفہیم کی بنیاد قائم کرنے میں مدد کر رہے ہیں، جو کہ موثر رابطے کے لیے ضروری ہے۔ گوادر پرو کے مطابق ایس وائی این یو کے کالج آف لائف سائنس کے ایڈجنکٹ پروفیسر اور پروگرام کے فوکل پرسن ڈاکٹر عابد علی نے کہا کہ ہم ان آن لائن مفت کورسز کو دیگر یونیورسٹیوں اور بی زیڈ یوسے منسلک کالجوں تک پھیلائیں گے۔
مزید پاکستانی طلباءچینی زبان سیکھنے اور اپنے مستقبل کے کیریئر بنانے کے مواقع حاصل کر سکتے ہیں، وہ اس تعاون کو فروغ دینے کے لیے جولائی میں ایس وائی این یو کا دورہ کریں گے۔ طلباءاور فیکلٹی کمیونٹی زیادہ سے زیادہ دلچسپی لیں وہ مشترکہ ورکنگ گروپس کے ذریعے ثقافتی اور علمی سرگرمیوں جیسے دیگر راستے کھولنے کا ارادہ رکھتے ہیں ۔
