لاہور(نمائندہ خصوصی)سابق وزیر داخلہ شیخ رشید احمد نے کہا ہے کہ جس ڈارنے ملک کی معیشت کوڈبویاوہ الیکشن مذاکرات آئین وقانون کابھی حشر کردے گا ،
مذکرات کی کمیٹی نے صرف اسمبلیوں کے ٹوٹنے اورالیکشن کی تاریخ طے کرنی ہے، ایک سال میں جوالیکشن کی طرف نہیں آئے وہ3دن میں کیسے آئیں گے ،آصف زرداری اپنے دائوپربیٹھے ہیں ،فضل الرحمان کی ضدسیاسی قبرکھود دے گی ‘ ٹوئٹر پر جاری اپنے بیان میں شیخ رشید احمد نے کہا کہ آئین جیتے گااورمئی کے پہلے ہفتے تک عدلیہ کے فیصلوں کاتعین ہوجائے گا ،
پارلیمنٹ میں سپریم کورٹ کے ججزکے خلاف نازیبازبان استعمال کرناآئین شکنی ہے اورسیاسی موت کودعوت دینے کے مترادف ہے ،الیکشن ہوکررہیں گے ،آئین وقانون کی بالا دستی قائم ہوگی ،مذاکرات کی ناکامی الیکشن کے تاخیری حربے ان کی بدنیتی ثابت کر دیں گے۔
انہوں نے کہا کہ عدلیہ کے خلاف حکومت نے اعلان جنگ کیاہے بالآخرحکومت کوشکست ہوگی اورعدلیہ جیتے گی،21ارب روپے کا سپریم کورٹ کاحکم اب بھی قائم ہے اوراس فیصلے سے منحرف ہونابھی توہین عدالت ہوگی ،سپریم کورٹ کے رجسٹرار آفس نے الیکشن فنڈ پر رپورٹ مانگ لی ہے ،عدالت نے جس تحمل اور دوراندیشی کاثبوت دیا ہے وہ قابل تحسین ہے۔
انہوں نے کہا کہ حکومت کی کھسیانی بلی کھمبہ نوچ رہی ہے ،حلف کے ساتھ ہی سپریم کورٹ کے3ججوں کوماننے سے انکارکردیاجووزیراعظم عدلیہ کے حکم کونہ مانے اس وزیراعظم کے اعتمادکے ووٹ کی کوئی قانونی حیثیت نہیں اوریہ سول نافرمانی کی شروعات ہے ،جب عدلیہ کے فیصلوں کااحترام نہیں ہوگاتوحکومت کے فیصلوں کوبھی عوام نہیں مانیں گے۔
