کراچی (صحت ڈیسک)کراچی میں آشوب چشم کے مریض میں خطرناک حدتک اضافہ ہو گیا۔
ماہرین امراض چشم نے کہا کہ ہسپتا لوں میں یومیہ سیکڑوں مریض آرہے ہیں، یہ مرض ایک سے دوسرے شخص کو منتقل ہو جاتا ہے۔
اس بیماری سے متعلق ماہرین امراض چشم نے کہا کہ آشوب چشم سے بچنا انتہائی آسان ہے، اس سے بچائو کے لئے صفائی ستھرائی کا خاص خیال رکھا جائے اور ہاتھ ملانے اور گلے ملنے سے اجتناب کیا جائے۔
ماہرین امراض چشم نے کہا کہ متاثرہ شخص اپنا تولیہ، تکیہ اور صابن الگ رکھے جبکہ آنکھوں کی رطوبت کو ٹشو یا ململ کے نرم کپڑے سے صاف کرے اور استعمال شدہ کپڑے اور ٹشو کو فوری پر تلف کردیا جائے۔
