مکوآنہ (نمائندہ خصوصی)وزیر اعظم کی معاون خصوصی برائے انسانی حقوق و ویمن امپاور منٹ مسز مشال حسین ملک نے کہا ہے کہ بھارت پوری دنیا میں پاکستان کے خلاف جھوٹا بیانیہ پھیلا رہا ہے جبکہ خطے میں دہشت گردی کی کارروائیوں میں بھی وہی ملوث ہے جس کامقصد عدم استحکام پیدا کرکے اپنے ناپاک عزائم کی تکمیل ہے۔
انہوں نے جی سی ویمن یونیورسٹی فیصل آباد میں ایک خصوصی انٹرویو میں کیا۔انہوں نے کہا کہ یہ بہت ہی خوفناک بات ہے کہ ہندوستان اور آر ایس ایس کی ہندو توا کی دہشت گردی کی کاروائیاں پچھلے 13سال سے جاری ہیں، جس نے خطہ کو سنگین خطرات لاحق کررکھے ہیں یہی نہیں بلکہ وہ اٹامک بم تک خود بنا رہی ہے، اس کی یہ دہشت گرد آرمی ہے اورپوری دنیا کے اندر ان کا سٹرانگ نیٹ ورک ہے جس نے بہت جگہوں پر ابھی چانس لیا ہے۔
انہوں نے کہا کہ کینیڈا نے جو رسپانس دیاہے ہم اس کو ویلکم کرتے ہیں کیونکہ یہ وہی گجرات کا کلر ہے قصائی ہے جس کووزیراعلیٰ بننے کے بعد امریکہ آنے کی اجازت نہیں دی گئی تھی جواس وقت گجرات میں چیف منسٹر تھالیکن بعد میں ہندوستان کا وزیر اعظم بنا اور یہ اور اجیت ڈوول،راجناتھ سنگھ او ر سارے کے سارے اکھنڈ بھارت کا نظریہ لئے ہوئے ہیں اورپورے خطے میں دہشت گردی کی کاروائیوں میں ملوث ہیں۔
انہوں نے کہا کہ پاکستان میں بھی را کے ملوث ہونے کے شواہد ہیں،جڑانوالہ میں بھی جن چرچز کو جلایا گیا ہے اس کے پیچھے بھی جو شواہد ملے ہیں وہ سارے کے سارے تانے بانے ہندوستان کی خفیہ ایجنسی را سے ملتے ہیں۔مشال ملک نے کہا کہ جو جی ٹونٹی کانفرنس تھی عین اس سے کچھ دن پہلے یہ جو حرکت انہوں نے کی ہے دہشت گردی کی تو ابھی بھی جو باہر کے ملکوں میں آسٹریلیا میں ان کے پاس بہت سے انسی ڈنٹس تھے اور یورپ میں خاص طور پر بٹن کے اندر، کینیڈامیں بھی جہاں جہاں کشمیریوں اور سکھوں کو ہراس کیا جاتا ہے وہ سب مودی کے کہنے پر ہورہا ہے۔
انہوں نے کہا کہ جو بھی مودی کے خلاف باہر نکلتے ہیں اور خاص طور پر کشمیریوں کو ایسے بہت سے واقعات ہیں ان میں سے ایک خاص پروفائل واقعہ آیا ہے جس سے پوری دنیا کے اندر ہندوستان کا کالا گھناؤنا چہرہ بے نقاب ہوا ہے۔انہوں نے کہا کہ وہ سمجھتی ہیں کہ ابھی اور بہت سے ایسے کیسز سامنے آئیں گے۔معاون خصوصی نے کہا کہ ہندوستان کی حکومت دہشت گردی کو خود پروموٹ اور خود بیکنگ کر رہی ہے۔
اور انہوں نے جو یہ سکھ لیڈر کے ساتھ کیا ہے چاہے وہ خالصتان موومنٹ ہو یا کشمیریوں کی حق خود ارادیت ہو چاہے کچھ بھی ہو سب سے پہلے وہ انسان ہیں اور ہر انسان کی جان کی حفاظت کرنا بڑا فرض ہے لہٰذادنیا کو بھی یہ دیکھنا ہو گا کہ کینیڈا میں کہیں سے بھی لوگ آ کر سیٹ ہوئے ہیں تو ان کی جان کی حفاظت کرنا ان کی حکومت کا فرض ہے۔انہوں نے کہا کہ اس وقت ہندوستان کی دہشت گردی اتنی پھیل گئی ہے کہ دنیا میں ان کے جو نیٹ ورکس ہیں خاص طور پر پاکستان اس کا بہت بڑا متاثرہ ملک ہے اور کشمیری تو پچھلے 75سالوں سے اپنی جانوں کا نذر انہ دے رہے ہیں۔
ایک سوال کے جواب میں انہوں نے کہاکہ چاہے وہ کلبھوشن یادیو کا معاملہ ہو جو پکڑا گیااور پاکستان میں بہت سی دہشت گردانہ سرگرمیوں میں ملوث پایا گیا تھا جو اس کا ریکارڈ ہے وہ را کا ایک آفیسر ہے جو یہاں آکردہشت گردی پھیلانے اوراس سلسلہ میں مضبوط نیٹ ورک بنانے کیلئے پلانٹ ہوا تھانیزپاکستان میں بہت سی جگہوں پرخصوصاً کراچی، بلوچستان، کے پی کے اور فاٹا کے اندرحتیٰ کہ پنجاب کے اندر جو بھی دہشت گردی کی کاروائیاں ہوئی ہیں ان میں را ملوث ہے۔
مشال ملک نے کہا کہ ہندوستان مختلف این جی اوز کے ذریعے ایک جعلی ناریٹو پوری دنیا کے اندر پھیلا رہا ہے اور کشمیر کے حق خود ارادیت کے خلاف جھوٹاپراپیگنڈہ کررہا ہے۔انہوں نے کہا کہ پاکستان میں بھی بھار ت کی دہشت گرد سرگرمیاں جاری ہیں جنہیں روکنے کیلئے پوری قوم ایک پیج پر ہے۔ انہوں نے کہا کہ جب سے مودی وزیر اعظم بنا یہ مسلسل خطہ میں دہشت گردی کرا رہا ہے جبکہ پاکستان،آسٹریلیا اور یورپ میں کشمیریوں و سکھوں کو ہراساں کیا جا رہا ہے۔
مشال ملک نے کہا کہ سکھ رہنما ہردیپ سنگھ کے قتل میں بھارتی خفیہ ایجنسی ر ا ملوث ہے جس کا چہرہ بے نقاب ہو چکا ہے۔انہوں نے کہا کہ بھارت پوری دنیا میں پاکستان کے خلاف جھوٹا بیانیہ پھیلا رہا ہے جسے ہر صورت ناکام بناناہوگا۔ انہوں نے کہا کہ مقبوضہ جموں کشمیر میں پوری دنیا کی سب سے زیادہ انسانی حقوق کی خلاف ورزی کی جا رہی ہے مگر اس پر عالم اقوام کی خاموشی قابل افسوس ہے۔
ایک سوال کے جواب میں انہوں نے کہاکہ پاکستان میں اس وقت ایک نگران سیٹ اپ ہے جو ٹیکنو کریٹس پر مشتمل ہے مگرالیکشن کی تاریخ دینا الیکشن کمیشن کا کام ہے۔مشال ملک نے کہا کہ ہماری حکومت غیر سیاسی ہے لہٰذا جیسے ہی الیکشن کمیشن تاریخٰ اناؤنس کرے گا ہم الیکشن کروا دیں گے۔