کراچی(کورٹ نیوز ) منشیات ڈیلر انمول عرف پنکی کی 3 مقدمات میں بریت کے فیصلے کو چیلنج کرنے کا فیصلہ کرلیا گیا۔اس حوالے سے پراسیکیوشن نے فیصلے کی تصدیق شدہ نقول حاصل کرنے کےلئے باقاعدہ درخواست جمع کروا دی ہے۔ پراسیکیوشن کا موقف ہے کہ انمول عرف پنکی کی بریت سمجھ سے بالاتر ہے۔
انہوں نے موقف اختیار کیا کہ نہ ملزمہ پر فرد جرم عائد ہوئی ہے اور نہ ہی کسی گواہ کا بیان ریکارڈ کیا گیا ہے۔پراسیکیوشن ذرائع کا کہنا ہے کہ تصدیق شدہ نقول ملنے کے بعد عدالتی فیصلے کا تفصیلی جائزہ لیا جائے گا، جس کے بعد قانونی چارہ جوئی کو حتمی شکل دی جائے گی۔واضح رہے کہ ایڈیشنل ڈسٹرکٹ اینڈ سیشن جج ساتھ نے منشیات کے 3 مقدمات میں ملزمہ انمول عرف پنکی کو بری کرنے کا حکم دیا تھا۔
