بیجنگ (نیوز ڈیسک) بیجنگ میں جاری دو اجلاسوں کے دوران معاشی موضوع پر مبنی ایک عمومی پریس کانفرنس سائنسی و تکنیکی جدت طرازی کے موضوع پر پوچھے گئے سوالات کی وجہ سے چین کے میڈیا میں کافی وائرل ہوئی۔ اس دوران چائنا سیکیورٹیز ریگولیٹری کمیشن کے چیئرمین وو چھینگ نے ڈیپ سیک کے حوالے سے صحافی کے سوال کا جواب دیتے ہوئے مسکراتے ہوئے کہا کہ "معاشی موضوع پر پریس کانفرنس سائنس و ٹیکنالوجی کے موضوع کی پریس کانفرنس بنتی جا رہی ہے”۔
یہ جملہ ایک واضح حقیقت کی عکاسی کرتا ہے کہ سائنسی اور تکنیکی جدت طرازی نہ صرف چین کی اقتصادی ترقی کے لئے ایک اہم انجن ہے، بلکہ ترقی کے مسائل کو حل کرنے کا ایک بہتر طریقہ بھی ہے۔پیر کے روز چینی میڈ یا کے مطا بقحالیہ برسوں کے دو اجلاسوں کا جائزہ لیتے ہوئے یہ معلوم کرنا مشکل نہیں ہے کہ دو اجلاسوں میں سائنس و ٹیکنالوجی کے موضوعات کا وزن بڑھتا جا رہا ہے۔ چاہے وہ وزیر اعظم کی جانب سے حکومتی ورک رپورٹ ہو، نمائندوں اور مندوبین کے انٹرویوز ہوں، اجلاسوں کے منتظمین کے زیر اہتمام پریس کانفرنسز اور نمائندوں اور مندوبین کا تبادلہ خیال ہو، سائنسی اور تکنیکی جدت طرازی ایک ہائی فریکوئنسی لفظ بن چکا ہے۔
گزشتہ سال کی حکومتی ورک رپورٹ میں تجویز کردہ "کم اونچائی والی معیشت” کے بعد ،موجودہ حکومتی ورک رپورٹ میں پہلی بار ” ایمبوڈیڈ انٹیلی جنس "، اے آئی موبائل فون اور کمپیوٹر” اور "ذہین روبوٹس” جیسے نئے الفاظ سامنے آئے۔اس کے علاوہ "ٹیلنٹ ٹریننگ کس طرح سائنسی اور تکنیکی جدت طرازی کی خدمت کر سکتی ہے”، "کیپٹل مارکیٹ سائنس اور ٹیکنالوجی انٹرپرائزز کے لئے حمایت میں کیسے اضافہ کر سکتی ہے”، اور ” مصنوعی ذہانت کے قانون کا جلد اجرا ” سمیت دیگر موضوعات بھی دو اجلاسوں کے نمائندوں اور مندوبین کی تجاویز میں سامنے آچکے ہیں۔
چین کی معاشی ترقی میں سائنسی اور تکنیکی جدت طرازی کے کلیدی کردار کے حوالے سے چینیوں کی تفہیم گہری ہے۔ "ایک مسافربردار ہوائی جہاز کے بدلے 800 ملین شرٹس” کی تلخی سے لے کر دنیا میں جدت طرازی کے 44 شعبوں میں سے 37 میں چین کی صف اول کی پوزیشن کے حصول تک، تاریخ ہمیں یہ بتاتی ہے کہ جدت طرازی کے بیج صرف اس وقت ٹھوس پھل دے سکتے ہیں جب وہ حقیقی معیشت کی مٹی میں لگائے جائیں۔ 2024 میں چین کی 4.48 بلین گھریلو آلات کی برآمدات چائنا کی بہترین صنعتی چین کی معاون صلاحیت کا مظہر ہیں۔
1.1 ٹریلین یوآن مالیت کی چپس کا برآمدی حجم 4 لاکھ ہائی ٹیک انٹرپرائزز کی دانشمندی کو ظاہر کرتا ہے۔ اس کے ساتھ ساتھ صنعتی روبوٹس کی سالانہ پیداوار میں 14.2فیصد کے اضافے میں مرکزی اجزاء کی لوکلائزیشن میں پیش رفت پوشیدہ ہے، اور ڈیپ سیک کے 545 فیصد پرافٹ مارجن کے پیچھے کمپیوٹنگ پاور آپٹیمائزیشن کی جدید سوچ کار فرما ہے.
جب روایتی معاشی ماڈل مطلوبہ نتائج نہ دے سکے تو سائنسی اور تکنیکی جدت طرازی ایسے مواقع پر صنعتی تبدیلی کی سنہری کلید بن جاتی ہے۔ اس صنعتی تبدیلی میں، مارکیٹ اور پالیسی کی گونج نے چین میں اعلی معیار کی ترقی کو تشکیل دیا ہے.دو اجلاسوں کی پریس کانفرنس میں ذکر کیے گئے ‘ وینچر کیپٹل گائیڈنس فنڈ کے قیام کو فروغ دینے’ اور ‘ٹیکنالوجی کی تبدیلی میں شرکت کے لیے سوشل کیپیٹل کی حوصلہ افزائی’ جیسے اقدامات براہ راست آج کے جدت طرازی ماحول کے طاقتور پہلو کی نشاندہی کرتے ہیں۔
مارکیٹ پر مبنی آر اینڈ ڈی میکانزم نے ٹیکنالوجی مارکیٹ میں ایک حیرت انگیز کیمیائی رد عمل کو جنم دیا ہے: چین میں سالانہ 12.8 ملین نئی توانائی کی گاڑیوں کی پیداوار الیکٹرک بیٹریوں کی ٹیکنالوجی میں پیش رفت کا نتیجہ ہے۔ چین کی فوٹووولٹک صنعت کا عالمی مارکیٹ میں 82فیصدکا تناسب نہ صرف صنعت کی شاندار تبدیلی کو ظاہر کرتا ہے، بلکہ عظیم "نظام” کی طاقت کا مظہر بھی ہے.
‘بلیک میتھ: ووکانگ’ کی کامیابی، 10 ہزار کلومیٹر سے زائد فاصلے تک مار کرنے والے بین البراعظمی میزائل کی کامیاب لانچ،پھر ‘چھٹی نسل کے جنگی طیارے’ کی لانچ، سیچھوان نامی بحری جنگی جہاز کی لانچ، اسپرنگ فیسٹیول گالا میں رقص کرنے والے روبوٹ ، ‘نیژا 2’ کا ریکارڈ باکس آفس بزنس اور حال ہی میں دنیا کو حیران کرنے والے ڈیپ سیک تک، صرف چند ماہ میں کسی ایک ملک میں اتنے بڑے پیمانے پر سائنسی اور تکنیکی پیش رفت کا سامنے آنا محض اتفاقاً نہیں ہے۔
اس سے ظاہر ہوتا ہے کہ چین کا صنعتی ڈھانچہ، سائنسی تحقیقی ماحول، ٹیلنٹس کا ذخیرہ، بین الاقوامی حیثیت اور فوجی طاقت خاموشی سے "بنیادی” تبدیلیوں سے گزرتی ہوئی انتہائی مضبوط ہوتی جا رہی ہے۔دو اجلاسوں کے ذریعے لوگ دیکھ سکتے ہیں کہ چین میں ایک نئی لہر سامنے آ رہی ہے اور سائنسی اور تکنیکی جدت طرازی چین کے ترقی کے نقشے کو نئی شکل دے رہی ہے۔
چین اپنے یقین کے ساتھ دنیا میں استحکام فراہم کرنے کی بھرپور کوشش کر رہا ہے، اور مشرق کی دانش مندی نے ایک بار پھر عملی طور پر یہ ظاہر کیا ہے کہ جدت طرازی پر پختہ عزم تاریخ کے اثاثوں کو ترقی کی محرک قوت میں تبدیل کر رہا ہے، اور روشنی کے اگلے مرحلے کی جانب انسانیت کی رہنمائی کر رہا ہے۔
