بیجنگ (نیوز ڈیسک) چینی میڈ یا نے اتوار کے روز ر پورٹ کیا ہے کہ
مقامی وقت کے مطابق24 جون کی صبح 7 بج کر 41 منٹ پر ہمالیہ ایئر لائنز کی پرواز ایچ 9665 نیپال کے دارالحکومت کھٹمنڈو سے روانہ ہوئی اور 4 گھنٹے 28 منٹ کی پرواز کے بعد بیجنگ کے وقت کے مطابق دن 2بج کر 24 منٹ پر بیجنگ کے تاشینگ انٹرنیشنل ایئرپورٹ پر کامیابی سے اتری۔
واپسی کی پرواز ایچ 9666 اسی دن بیجنگ کے وقت کے مطابق سہ پہر 3 بجکر52 منٹ پر بیجنگ کے تا شینگ بین الاقوامی ایئرپورٹ سے روانہ ہو کر نیپال کے وقت کے مطابق شام 6بجکر 57منٹ پر کھٹمنڈو پہنچی۔ بیجنگ سے کھٹمنڈو کے لئے براہ راست پرواز گزشتہ تین سالوں سے کورونا وبا کے باعث تعطل کا شکار تھی۔
یاد رہے کہ ہمالیہ ایئر لائنز نے اکتوبر 2019 میں بیجنگ سے کھٹمنڈو کے لئے اپنی پہلی پرواز کا آغاز کیا تھا جو دونوں دارالحکومتوں کے درمیان باقاعدہ مسافر پروازوں کا باضابطہ آغاز تھا ۔
