پرویز الٰہی ،کچھ دیگر کی رائے ہے اسمبلیاں توڑنے میں جلدی نہیں کرنی چاہیے’شاہ محمود قریشی

لاہو ر( نمائندہ خصوصی) پاکستان تحریک انصاف کے وائس چیئرمین و سابق وزیر خارجہ شاہ محمود قریشی نے اعتراف کرتے ہوئے کہا ہے کہ وزیر اعلیٰ پنجاب چودھری پرویز الٰہی اور کچھ دیگر کی رائے ہے کہ اسمبلیاں توڑنے میں جلدی نہیں کرنی چاہیے۔

انہوں نے ایک انٹرویو میں کہا کہ یہ سیاست کا نہیں ریاست کے بارے میں سوچنے کا وقت ہے۔مونس الٰہی نے عمران خان کو پھر یقین دلایا ہے کہ جو بھی فیصلہ وہ کریں گے، پرویز الٰہی اس کی تائید کریں گے۔شاہ محمود قریشی نے کہا کہ صدر عارف علوی سے وفاقی وزراء ایاز صادق اور وزیر قانون اعظم نذیر تارڑ کی ملاقات موجودہ سیاسی صورت حال پر نہیں تھی۔وفاقی وزراء کی ملاقات پارلیمنٹ میں لائے جانے والے ایک بل پر صدر کے تحفظات سے متعلق تھی۔