ماسکو(انٹرنیشنل نیوز )روس کے صدر ولادیمیر پوتن نے کہا ہے کہ امریکی صدر ٹرمپ ایک تجربہ کار سیاست دان ہیں اور اپنے فیصلے خود کرتے ہیں۔غیرملکی میڈیارپورٹ کے مطابق روسی صدر ولادیمیر پوتن نے کہا کہ نہیں لگتا کہ یورپی رہنماﺅ ں نے امریکی صدر ٹرمپ کا یوکرین سے متعلق موقف تبدیل کیا ہے، ہر رہنما اتحادیوں اور مخالفین کی رائے ضرور سنتا ہے لیکن فیصلہ خود کرتا ہے۔
پوتن نے کہا کہ الاسکا میں صدر ٹرمپ سے ہونے والی بات چیت میں کوئی باضابطہ معاہدہ طے نہیں پایا تھا، ممکنہ سمجھوتوں پر تبادلہ خیال کیا تھا۔
انہوں نے بتایا کہ امریکہ کی جانب سے پیش کی گئی بعض تجاویز پر آمادگی ظاہر کی تھی، روس امریکہ کے ساتھ مذاکرات جاری رکھنے پر رضا مند ہے۔روسی صدر ولادیمیر پوتن نے کہا کہ الاسکا میں زیر بحث آنے والے تمام نکات پر مزید تفصیلی بات چیت کے لئے آمادہ ہیں۔
