برلن (نیوز رپورٹر )جرمنی کی وزیر خارجہ اینالینا بیئربوک نے جنگی جرائم کی بنیاد پر بین الاقوامی فوجداری عدالت کو مطلوب اسرائیلی وزیر اعظم نیتن یاہو کے دورہ ہنگری پر سخت تنقید کی ہے کہ نیتن یاہو نے فوجداری عدالت کی طرف سے جاری کردہ وارنٹ گرفتاری کی پروا کیے بغیر ہنگری کا دورہ کیا۔
میڈیارپورٹس کے مطابق بیئربوک کا یہ بیان اسرائیلی وزیر اعظم نیتن یاہو اور ان کے سابق وزیر دفاع یواو گیلنٹ کے خلاف بین الاقوامی فوجداری عدالت کی طرف سے پچھلے سال سے جاری کردہ وارنٹ گرفتاری کے تناظر میں سامنے آیا ۔
وزیر خارجہ کا کہنا تھا کہ نیتن یاہو کا ہنگری جانے کا دن بین الاقوامی قانون کے حوالے سے ایک برا دن رہا۔وہ نیٹو کے وزرائے خارجہ کی برسلز میں ہونے والی کانفرنس سے گفتگو کر رہی تھیں۔
