لاہور(کورٹ رپورٹر)منشیات برآمدگی کیس میںعدالت نے وفاقی وزیر داخلہ رانا ثنا اللہ کو بری کر دیا ہے،
تفصیلات کے مطابق وزیر داخلہ رانا ثنا اللہ انسداد منشیات کی عدالت میں پیش ہوئے جہاں انہوں نے اپنے وکیل کے توسط سے کیس میں بریت کی درخواست دائر کی تھی،رانا ثنا اللہ کی جانب سے دائر درخواست میں استدعا کی گئی تھی کہ مجھ پر کیس سیاسی بنیادوں پر بنایا گیا لہذا بری کیا جائے،دوران سماعت وزیر داخلہ کے وکیل فرہاد شاہ ایڈووکیٹ نے مقف اپنایا کہ منشیات برآمد کرنے والے اسسٹنٹ ڈائریکٹر امتیاز احمد الزامات کی تردید کر رہے ہیں اور انسپکٹر احسان اعظم بھی تردید کر رہے ہیں، رانا ثنا اللہ کے وکیل کے موقف پر سرکاری وکیل نے عدالت سے درخواست کی کہ ان کو پابند کریں کہ آج ہی بحث کریں جس پر وکیل رانا ثنا اللہ نے موقف اپنایا کہ درخواست تو دائر کرنے دیں،بعد ازاں انسداد منشیات عدالت نے بریت کی درخواست پر دلائل سننے کے بعد وفاقی وزیر رانا ثنا اللہ کو بری کر دیا۔
