لاہور ( نمائندہ خصوصی) پاکستان تحریک انصاف کے مرکزی رہنما و سابق وفاقی وزیر حماد اظہر نے کہا ہے کہ معاشی ماہرین کے مطابق ہم ٹیکنیکل طور پر ڈیفالٹ کر چکے ہیں۔
انہوں نے اپنے ایک بیان میں کہا کہ ملک کو مزید معاشی عدم استحکام کی طرف نہ لے جایا جائے، معاشی طور پر ملک نازک ترین موڑ پر پہنچ چکا ہے، پہلے ایک وزیر خزانہ آیا وہ اپنی منطق پر چلتا رہا۔انہوں نے کہا کہ دوسرا وزیر خزانہ کہتا تھا کہ ڈالر 200روپے سے نیچے لے آﺅں گا لیکن حالت یہ ہے کہ ایل سیز کھولنے کے لیے ڈالر دستیاب نہیں۔
حماد اظہر نے کہا کہ معاشی ماہرین کے مطابق ہم ٹیکنیکل طور پر ڈیفالٹ کرچکے ہیں جبکہ الیکشن کے بغیر معاشی اور سیاسی استحکام نہیں آئے گا۔
