لاہور(شوبز ڈیسک)سینئر کامیڈین اداکار نسیم وکی نے کہا ہے کہ مزاح کا فن کسی تربیت سے نہیں آتا بلکہ یہ انسان کے اندر قدرتی طور پر موجود ہوتا ہے ،
میں بڑا خوش قسمت ہوں کہ خدا کی ذات نے مجھے مزاح جیسی صلاحیت سے نوازا ہے جس سے میں لوگوں کے چہروں پر مسکراہٹیں بکھیرتا ہوں ۔
ایک انٹر ویو میں نسیم وکی نے کہا کہ اداکاری سیکھی جا سکتی ہے لیکن مزاح نہیں سیکھا جا سکتا ہے ، کامیڈی کرنا ہی حقیقت میں اداکاری ہے ۔انہوںنے کہا کہ میری بڑی خواہش ہے کہ مجھے سنجیدہ کردار بھی دئیے جائیں اور میں ان کرداروں کو بخوبی نبھا سکتا ہوں ، پی ٹی وی کی شہرہ آفاق ڈرامہ سیریل ” راہیں ”میں چوہدری کے بیٹے کا کردار اسی نوعیت کا تھا جسے بہت پسند کیا تھا ۔
