لاہور (نیوز رپورٹر)وزیراعلیٰ مریم نوازشریف کے ویژن،خوش اورخوشحال کاشتکارکے تحت کسان کارڈ،ایگر ی میکانزیشن،انٹرن شپ کے بعد ایک اورمیگا پراجیکٹ شروع کردیا گیاہےـ
وزیراعلی پنجاب مریم نوازشریف نے زرعی ٹیوب ویل کی سولرائزیشن پراجیکٹ کا افتتاح کردیا ہےـ وزیراعلیٰ مریم نوازشریف نے زرعی ٹیوب ویل سولرائزیشن پراجیکٹ کیلئے قرعہ اندازی کی ـ
زرعی یٹوب ویل سولرائزیشن پراجیکٹ کی قرعہ اندازی میں سب سے پہلے نام اٹک کے محمد نوازکانکلاـوزیراعلیٰ مریم نوازشریف نے پنجاب کے ضلع ناروال کے خوش نصیب کاشتکاروں کی لسٹ چیک کی ـقرعہ اندازی کے ذریعے پہلے فیز میں پنجاب بھر میں 8ہزار ٹیوب ویل شمسی توانائی پر منتقل کیے جائیں گےـعام کاشتکار کو سولر ٹیوب ویل سے اوسط روزانہ دس ہزار سے زائد اور ماہانہ سوا تین لاکھ سے زیادہ بچت ہوگیـحکومت پنجاب زرعی ٹیوب ویل کیلئے 10کلو واٹ کے سولر سسٹم کیلئے 5لاکھ سبسڈی دے گیـ15کلوواٹ سولر سسٹم کیلئے ساڑھے 7 لاکھ اور20کلو واٹ سولر سسٹم کیلئے 10لاکھ روپے سبسڈی دی جائے گیاـ
قرعہ اندازی میں کامیاب کاشتکار متعلقہ ضلع کے وینڈرکا انتخاب کر کے سولر سسٹم کی تنصیب کرائیں گےـپنجاب میں چیف منسٹر زرعی ٹیوب ویل سولرائزیشن پراجیکٹ کیلئے 5لاکھ30ہزار سے زائد کاشتکاروں نے اپلائی کیاـ 3لاکھ85ہزار کاشتکار چیف منسٹر زرعی ٹیوب ویل سولرائزیشن پراجیکٹ کی قرعہ اندازی کے اہل قرار پائےـ87فیصد ڈیزل پر چلنے والے زرعی ٹیوب ویل اور 13فیصد بجلی سے چلنے والے زرعی ٹیوب ویل شمسی توانائی پر منتقل ہوں گےـوزیراعلیٰ مریم نوازشریف نے پہلے فیزمیں زرعی ٹیوب ویل کی سولرائزیشن جون تک مکمل کرنے کا ہدف مقرر کردیاـ
وزیراعلی مریم نوازشریف نے کہاکہ زرعی ٹیوب ویل کی سولرائزیشن کا منصوبہ کاشتکاری میں انقلاب لائے گا۔زرعی ٹیوب ویل کی سولرائزیشن سے فصل کی پیداواری لاگت میں نمایاں کمی آئے گی اور کاشتکار خوشحال ہو گا۔وزیراعلی مریم نوازشریف نے کہاکہ کسان کارڈ،ایگریکلچرمیکائزیشن،ایگری انٹرن شپ سمیت ہر پراجیکٹ کاشتکار کیلئے آسانیاں اور بہتری لارہاہے۔
