لاہور(نمائندہ خصوصی)چیئرمین پاکستان تحریک انصاف عمران خان نے کہا ہے کہ مجھے اللہ تعالی نے سب کچھ دیا آپ کی جنگ لڑ رہا ہوں، ہم اپنے پیارے نبیؓ کی امت ہیں اپنی حقیقی آزادی کیلئے باہر نکلنا ہے، پولیس مجھے پکڑنے آگئی ہے،
ان کا خیال ہے عمران خان جیل چلا گیا تو قوم سو جائے گی، آپ لوگوں نے ان کوغلط ثابت کرنا ہے، قوم نے اپنے حقوق کی آزادی کیلئے باہر نکلنا ہے، ایک آدمی اس ملک کے فیصلے کر رہا ہے آپ نے ان کے فیصلے کبھی تسلیم نہیں کرنے، آپ نے ثابت کرنا ہے کہ ہم ایک زندہ قوم ہیں، اگر مجھے کچھ ہوتا ہے یا یہ مار دیتے ہیں تو بدترین غلامی کو کبھی قبول نہیں کرنا۔
منگل کو ممکنہ گرفتاری سے قبل جاری ویڈیو پیغام میں چیئرمین تحریک انصاف و سابق وزیراعظم عمران خان نے کہا کہ پولیس مجھے گرفتار کرنے آ گئی ہے، ان کا خیال ہے کہ عمران خان کے جیل میں جانے سے قوم سو جائے گی ،پوری قوم نے ان کو غلط ثابت کرنا ہے، آپ نے ثابت کرنا ہے کہ ہم زندہ قوم ہیں، ہم نبی کی امت ہیں، یہ کلمہ طیبہ پر بننے والی قوم ہے، پوری قوم نے اپنی حقیقی آزادی کی جدوجہد کرنے کےلئے باہر نکلنا ہے،
اللہ نے مجھے سب کچھ دیا، میں قوم کی بقاءکی جنگ لڑرہا ہوں اور لڑتا رہوں گا، اگر مجھ کچھ ہو جاتا یا مار دیتے ہیں تو آپ نے ثابت کرنا ہے کہ عمران خان کے بغیر پوری قوم اپنی جدوجہد جاری رکھے گی، بدترین غلام ملک کے فیصلے کرنے والے چوروں کو آپ کبھی قبول نہیں کریں گے۔