منیلا(نیوز ڈیسک) فلپائن کی فوج نے کہا ہے کہ فوجیوں نے اتوار کے روز فلپائن کے وسطی شہر میں ایک چھاپے کے دوران بائیں بازو کے سات مشتبہ باغیوں کو ہلاک کر دیا ہے۔
فوج کے کیپٹن جیفرسن ماریانو نے بتایا کہ فوجیوں نے شمالی صوبہ سامر میں نیو پیپلز آرمی (این پی اے) کے ایک ٹھکانے پر گاں والوں کی جانب سے باغیوں کی موجودگی کی اطلاع پر حملہ کیا ۔ ماریانو نے کہا کہ فوج نے فضائی راستے اور توپ خانے کا استعمال کرتے ہوئے اینٹی پرسنل بارودی سرنگوں سے مضبوط حصار میں گھسنے کی کوشش کی جس کے نتیجے میں 30 منٹ تک لڑائی جاری رہی۔
ماریانو نے کہا کہ جھڑپ کے بعد فوجیوں نے سات لاشوں سمیت کئی بندوقوں اور گولہ بارود کو قبضہ میں لیا۔ این پی اے کے باغی 1969 سے حکومت کے خلاف برسرپیکار ہیں اور اپنے حملوں کو دیہی علاقوں پر مرکوز کرتے ہوئے فوج کے ساتھ جھڑپوں میں شریک ہیں۔ فوجی اعداد و شمار کے مطابق این پی اے کے ارکان کی تعداد 2 ہزار ہے جو 1980 کی دہائی میں اس کی بہترین طاقت سے کافی کم ہے۔
