عوام مہنگائی کے باعث شدید پریشان ہیں جس کا ہمیں احساس ہے،جسٹس مقبول باقر

کراچی (نمائندہ خصوصی)نگراں وزیراعلی سندھ مقبول باقر نے ہڑتال پر رد عمل دیتے ہوئے کہا ہے کہ نگراں حکومتیں عوام کے مسائل سے بخوبی واقف ہیں ہم سمجھتے ہیں کہ عوام مہنگائی کے باعث شدید پریشان ہیں جس کا ہمیں احساس ہے۔

اپنے بیان میں مقبول باقر نے کہا کہ وفاقی اورصوبائی حکومتیں مل کر عوام کو ریلیف دینے کے لیے اقدامات کررہی ہیں،احتجاج سب کا جمہوری حق ہے۔نگراں وزیراعلی نے عوام سے مخاطب ہوکر کہا کہ احتجاج دوسروں کے لیے زحمت کا باعث نہیں بننا چاہیے۔انہوں نے احتجاج کرنے والوں کو عوام کی جان و مال کا خیال رکھنے کی ہدایت بھی کی اور کہاانتظامیہ احتجاج کو پرامن بنانے کے لیے تمام تر ضروری اقدامات کرے گی۔