ویب ڈیسک – 21 مئی 2025
بھارتی ٹی وی کے متنازع اینکر ارناب گوسوامی کو اُس وقت سبکی کا سامنا کرنا پڑا جب امریکا کی معروف ماہر سیکیورٹی اور جارج ٹاؤن یونیورسٹی کی پروفیسر ڈاکٹر کرسٹین فیئر ان کے پروگرام کے دوران بحث چھوڑ کر چلی گئیں۔
ڈاکٹر کرسٹین فیئر نے اپنے سوشل میڈیا پلیٹ فارم ایکس (سابقہ ٹوئٹر) پر واضح کیا کہ وہ اس پروگرام کے "لڑاکا اور ہنگامہ خیز ماحول” سے پریشان ہو گئیں اور اس شور شرابے کو مزید برداشت نہیں کر سکیں۔
انہوں نے اپنی پوسٹ میں لکھا:
"جب ہر کوئی صرف چیخ رہا ہو، اور تعمیری مکالمے کی کوئی گنجائش نہ ہو، تو ایسے پروگرام میں وقت ضائع کرنے کے بجائے دنیا میں کرنے کے لیے اور بھی بہت سی اہم باتیں ہیں۔”
کرسٹین فیئر کا یہ اقدام بھارتی میڈیا، خاص طور پر ارناب گوسوامی جیسے اینکرز کے شوز میں ہونے والے غیر سنجیدہ اور ہنگامہ خیز رویے کے خلاف ایک واضح احتجاج سمجھا جا رہا ہے۔
یہ واقعہ اس رویے پر بھی سوال اٹھاتا ہے جس میں سنجیدہ موضوعات پر گفتگو کے بجائے صرف جذباتی نعروں، الزام تراشی اور چیخ و پکار کا بازار گرم کیا جاتا ہے۔ کئی ناقدین کا کہنا ہے کہ ایسے پروگرام عوامی شعور بڑھانے کے بجائے میڈیا کو محض ایک تماشا بنا دیتے ہیں۔
