نواب شاہ (تعلیم ڈیسک) محکمہ تعلیم کے ریفارم سپورٹ یونٹ شہید بینظیرآباد کی جانب سے یونیسیف کے تعاون سے اسکولوں سے باہر بچوں کو اسکولوں میں واپس لانے اور داخلہ مہم کے سلسلے میں ایک آگاہی سیمینار
آج ایچ ایم خواجہ آڈیٹوریم ہال نواب شاہ میں منعقد ہوا سیمینار سے خطاب کرتے ہوئے ڈپٹی کمشنر شہید بینظیرآبادزاہد حسین رند، ڈائریکٹر تعلیم شہید بینظیرآباد نصیراحمد جوگی،
سینئیر پروگرام مینیجر آر ایس یو کراچی نظر محمد چانڈیو، ڈسٹرکٹ ایجوکیشن آفیسر سیکنڈری محمد سلیم بھٹی، ڈسٹرکٹ ایجوکیشن آفیسر پرائمری سانگھڑ نیاز احمد نائچ، استاد جاوید احمد انڑ، شبانہ ناز صدیقی اور دیگر نے کہا کہ آج آگاہی سیمینار منعقد کرنے کا مقصد اسکولوں سے باہر بچوں کو اسکولوں میں داخل کرانا ہے کیونکہ اسکولوں سے باہر بچوں کے حوالے سے سندھ صوبہ دوسرے نمبر پر تھا جس کے بعد سندھ حکومت کی جانب سے اسکولوں سے باہر بچوں کو واپس اسکولوں میں لانے کے لئے ڈویژن،
ضلع اور تحصیل سطح پر کمیٹیاں قائم کی گئی ہیں تاکہ ان بچوں کو دوبارہ اسکولوں میں داخل کرکے تعلیم دی جاسکے انہوں نے مزید کہا کہ بچوں کی اسکولوں میں داخلے کو یقینی بنانے کے لئے یوسی سطح پر آگاہی سیمینار منعقد کئے جائیں جبکہ جو والدین اپنے بچوں کو اسکولوں میں نہیں چھوڑ رہے ان کو تعلیم کے فوائد کے متعلق آگاہی دی جائے مقررین نے مزید کہا کہ آج اساتذہ کے عالمی دن کے موقع پر یہ عہد کریں کہ تعلیم کی بہتری کے لئے ہر ممکن اقدامات کئے جائیں گے.
کیونکہ تعلیم کے بغیر ترقی ناممکن ہے مقررین نے والدین سے اپیل کرتے ہوئے کہا کہ اپنے بچوں کی زندگی بہتر بنانے کے لئے ان کو تعلیم کے زیور سے آراستہ کریں سیمینار میں ڈسٹرکٹ کوارڈینیٹر آر ایس یو شہید بینظیرآباد معروف حسن بھٹی نے مہمانوں کو خوش آمدید کیا اور بتایا کہ آر ایس یو کی جانب سے اسکولوں سے باہر بچوں کو اسکولوں میں واپس لانے کے لئے عملی کام جاری ہے جس کے تحت کثیر تعداد میں بچے اسکولوں میں واپس آکر تعلیم حاصل کررہے ہیں .
انہوں نے مزید کہا کہ آر ایس یو کی جانب سے یونیسیف اور دیگر سماجی تنظیموں کے تعاون سے سرکاری اسکولوں میں سہولیات کی فراہمی کے لئے بھی اقدامات کئے جارہے ہیں سیمینار میں مختلف اسکولوں کی طالبات نے تعلیم کی اہمیت کے متعلق ٹیبلوز پیش کئے سیمینار میں اسسٹنٹ ڈائریکٹر ایچ ایم خواجہ لائبریری میر خان زرداری، اسسٹنٹ ڈائریکٹر تعلیم ریحانہ کوثر، انفارمیشن آفیسر اعجاز علی تیونو، غلام مجتبیٰ ملاح، دانش اقبال کے علاوہ تعلقہ میل و فی میل ایجوکیشن افسران، اساتذہ، طلباء و طالبات نے بڑی تعداد میں شرکت کی۔قبل ازیں بچوں کی داخلا کے حوالے سے ڈائریکٹر تعلیم کے دفتر سے ایچ ایم خواجہ لائبریری تک ایک آگاہی ریلی کا انعقاد کیا گیا۔