واشنگٹن(نمائندہ خصوصی)نائب ترجمان امریکی محکمہ خارجہ ویدانت پٹیل نے پی ٹی آئی چیئرمین کی گرفتاری اور سائفر کے معاملے پر کہا ہے کہ ہم کانگریس کے شراکت داروں سے کئی معاملات پر مشورہ کرتے ہیں،کسی ایک خاص معاملے کے بارے میں نہیں بولیں گے۔
امریکی دارالحکومت واشنگٹن میں نائب ترجمان امریکی محکمہ خارجہ ویدانت پٹیل نے پریس بریفنگ کے دوران پی ٹی آئی چیئرمین کی گرفتاری اور سائفر کے معاملے پر پوچھے گئے سوال کا جواب دیا ہے۔پریس بریفنگ کے دوران ان سے سوال کیا گیا کہ کیا امریکی کانگریس نے سائفر کے معاملے پر تحقیقات کا کہا ہے؟نائب ترجمان امریکی محکمہ خارجہ ویدانت پٹیل نے جواب دیا کہ ہم کانگریس کے شراکت داروں سے کئی معاملات پر مشورہ کرتے ہیں۔
انہوںنے کہاکہ کسی ایک خاص معاملے کے بارے میں نہیں بولیں گے۔نائب ترجمان امریکی محکمہ خارجہ ویدانت پٹیل نے کہا کہ ہم صورتِ حال پر گہری نظر رکھے ہوئے ہیں۔
