لاہور(نمائندہ خصوصی)انسداد دہشتگردی کی خصوصی عدالت نے ریاست مخالف تقاریر کیس میں مسلم لیگ (ن) کے مرکزی رہنمائوں مریم اورنگزیب اور جاوید لطیف کی حاضری معافی کی درخواست اور ضمانتی مچلکے مسترد کر دئیے۔
لیگی رہنمائوںکے خلاف ریاست مخالف اشتعال انگیز گفتگو کرنے کے مقدمہ کی سماعت انسداد دہشتگردی کی خصوصی عدالت کے ڈیوٹی جج ارشد جاوید نے کی۔دوران سماعت ملزمان کے وکیل کی جانب سے مریم اورنگزیب اور جاوید لطیف کی حاضری سے استثنیٰ کی درخواست دائر کی گئی جسے عدالت نے مسترد کر دیا جبکہ عدالت نے ملزمان کے ضمانتی مچلکے بھی مسترد کر دئیے۔بعدازاں عدالت نے شریک ملزمان کی حاضری مکمل کرتے ہوئے سماعت 25 نومبر تک ملتوی کر دی
۔اشتعال انگیز گفتگو کرنے کے مقدمہ میں انسداد دہشتگردی عدالت لاہور نے مریم اورنگزیب کی بریت کی درخواست پر پراسیکیوشن سے جواب طلب کر رکھا تھا۔ لیگی رہنمائوں کے خلاف تھانہ گرین ٹائون میں مقدمہ درج ہے۔
٭٭٭٭٭
