لاہور (کلچرل رپورٹر):
ویلو ساؤنڈ سٹیشن سیزن تھری میں شامل حسن رحیم اور انورل خالد کا ویڈیو سونگ "دل رُبا” نوجوانوں میں بے حد مقبول ہو گیا ہے۔ دلکش موسیقی اور شاندار ویژولز نے شائقین موسیقی کو اپنا گرویدہ بنا لیا ہے۔
اس گانے کی ہدایتکاری بلال لاشاری نے کی ہے جن کے کریڈٹ پر پہلے ہی کئی سپرہٹ فلمیں موجود ہیں۔ انسٹاگرام پر ویڈیو دیکھنے والوں کی تعداد ایک کروڑ سے تجاوز کر چکی ہے جبکہ دیگر پلیٹ فارمز پر بھی یہ ویڈیو لاکھوں لوگوں کی توجہ حاصل کر رہا ہے۔
سوشل میڈیا پر مداحوں کا کہنا ہے کہ ویلو ساؤنڈ سٹیشن سیزن تھری میں نہ صرف بہترین گلوکاروں کو سنا جا رہا ہے بلکہ ہر ویڈیو پروڈکشن کے اعلیٰ معیار کی عکاسی بھی کرتا ہے۔ پاکستان سمیت بھارت اور دیگر ممالک سے بھی میوزک لورز اس پروجیکٹ کو بھرپور سراہ رہے ہیں۔
ویلو ساؤنڈ سٹیشن سیزن تھری کی پروڈکشن میں بلال لاشاری کے ساتھ فلم پروڈیوسر عمارہ حکمت بھی شامل ہیں، جنہوں نے اس پراجیکٹ کو عالمی معیار کے قریب تر کر دیا ہے۔
