لاہور( سپورٹس ڈیسک) پاکستان کرکٹ ٹیم کے تجربہ کار فاسٹ بالر حسن علی کا کائونٹی کرکٹ چمپئن شپ کے سیزن 2023ء کے لیے وار وکشائر کلب کے ساتھ معاہدہ ہو گیا۔
انگلش کائونٹی کرکٹ چمپئن شپ کے پچھلے ایڈیشن میں حسن علی نے پہلے چھ میچوں میں لنکاشائر کی نمائندگی کی تھی۔
وار وکشائر کرکٹ کانٹی کلب نے اعلان کیا کہ فاسٹ بالر چمپئن شپ کے آئندہ ایڈیشن میں شرکت کے لئے یکم اپریل کو ٹیم کو جوائن کریں گے۔قابل ذکر بات یہ ہے کہ وار وکشائر کے ساتھ معاہدے کا مطلب یہ ہے کہ حسن علی جولائی کے آخر تک ٹی ٹونٹی بلاسٹ اور کائونٹی چمپئن شپ دونوں میں حصہ لیں گے۔دوسری جانب فاسٹ بالر نے کلب کے ساتھ معاہدے پر خوشی کا اظہار کرتے ہوئے کہا کہ ان کا جوش و خروش عروج پر ہے۔
