لاہور(شوبز ڈیسک )نامور اداکارہ و میزبان فضا علی نے کہا ہے کہ میں نے اپنی بیٹی سے کہا ہے پہلے مضبوط بننا اور پھر شادی کرنا،میں نے بیٹی سے کہہ دیا ہے کہ یہ گھر میرا ہے تمہیں اپنا گھر خود بنانا ہوگا۔
ایک انٹر ویو میں اداکارہ نے کہ آج میں اپنے پائوں پر کھڑی ہونے کی وجہ سے بیٹی کو اچھی زندگی دے پا رہی ہوں، کسی کی محتاج نہیں کہ کوئی آئے اور مجھے پیسے دے، میں خود کام کر رہی ہوں۔
انہوں نے کہا کہ میاں بیوی کے رشتے میں خرابی ہو جائے تو سب سے زیادہ پریشان اولاد ہوتی ہے، کسی سے تعلق توڑنے کا مطلب یہ نہیں کہ سامنے والے میں بہت عیب ہیں بلکہ کوئی ایک عادت ایسی ہوتی ہے جو آپ سے میچ نہیں کرتی۔دوبارہ شادی کے سوال پر فضا علی نے کہا کہ اگر مجھے میرے مطابق کوئی مل جائے جو فارال کو اپنائے اور مجھے کام کی اجازت دے تو میں شادی کر لوں گی۔
