بیجنگ (نیوز ڈیسک)بوآؤ ایشیائی فورم 2023 کے سالانہ اجلاس کی افتتاحی تقریب منعقد ہوئی۔ا گلی نسل کے انٹرنیٹ کے موضوع پر اجلاس کے ذیلی فورم میں مہمانوں نے اگلی نسل کے انٹرنیٹ کی ترقی کے رجحان اور مستقبل کی انٹرنیٹ ٹیکنالوجی کو فروغ دینے کے طریقوں پر سیر حاصل تبادلہ خیال کیا۔
جمعہ کے روز چینی میڈ یا کے مطا بق
مہمانوں کا کہنا ہے کہ انٹرنیٹ کی اگلی نسل مصنوعی ذہانت کے ذریعہ چلائی جائے گی، جس کی وجہ سے انٹرنیٹ کی رسد اور طلب دونوں میں بہت زیادہ فرق پایا جائےگا۔ماضی میں انٹرنیٹ کے بنیادی کیریئر گرافکس ، ٹیکسٹ اور ویڈیو تھے جبکہ مستقبل میں زیادہ سے زیادہ ریئل ٹائم ویڈیوز ہوں گی اور ان کی فراہمی دوطرفہ ہوگی اور کچھ ڈیجیٹل -حقیقی فیوژن منظرناموں کا ملاپ ہوگا۔
فورم کے شرکاء نے کہا کہ انٹرنیٹ کی مستقبل کی ترقی کو کمپیوٹنگ پاور اور نیٹ ورک کنکشن کی کارکردگی میں خاطر خواہ بہتری سے مدد ملے گی۔ لہذا انٹرنیٹ ایپلی کیشنز کے علاوہ ہمیں انٹرنیٹ کی بنیادی ٹیکنالوجی کی تحقیق پر بھی زیادہ توجہ دینی چاہئے۔
چینی اکیڈمی آف انجینئرنگ کےاکیڈیمشن اور چھین ہوا یونیورسٹی کے پروفیسر وو جیان پھنگ کا خیال ہے کہ اس وقت انٹرنیٹ کے تقریبا 9،000 معیارات ہیں اور چینی سائنسی اور تکنیکی عملے کی قیادت میں قائم معیارات کی تعداد تقریبا 200 تک پہنچ چکی ہے۔ انٹرنیٹ ٹیکنالوجی کے معاملے میں چین کو وقت کے ساتھ ساتھ اپنا موقف پیش کرنے کا حق حاصل ہو رہا ہے۔
