پشاور(نیوز رپورٹر ) مسلم لیگ ن کے صوبائی ترجمان اختیار ولی نے کہا کہ پرویز خٹک کو قومی مجرم سمجھتا تھا،پارٹی فیصلوں پر اب شدید تحفظات ہیں۔ن لیگ کے صوبائی ترجمان اختیار ولی نے وفاقی کابینہ میں توسیع پرایکس پر بیان میں کہا کہ مالم جبہ، بلین ٹری منصوبے پر پرویز خٹک کو بہت رلایا تھا، آج یہ تمام داغ دھل گئے ہیں۔
اختیار ولی نے کہا کہ اپنی پارٹی کے فیصلوں پر اب شدید تحفظات ہیں، پارٹی کی قیادت سے ہی شکایت کروں گا، جس کو الیکشن میں شکست دی اس کو میری اوپر ترجیح دی گئی۔
