اسلام آباد(نمائندہ خصوصی) پاکستان مسلم لیگ (ن) کے سیکرٹری جنرل اور سابق وفاقی وزیر منصوبہ بندی وترقی احسن اقبال نے کہاہے کہ دنیا کو آج سب سے بڑھ کر تعاون کی راہ اپنانے کی ضرورت ہے۔
پاکستان مسلم لیگ (ن) کے سیکرٹری جنرل اور سابق وفاقی وزیر منصوبہ بندی وترقی احسن اقبال نے ”بی آر آئی”کے ثمرات کے موضوع پر چین میں تقریب سے خطاب کرتے ہوئے کہاکہ ‘بیلٹ اینڈ روڈ’ منصوبہ پاکستان کے لئے لائف لائن بن چکا ہے، صدر شی جن پنگ کا تصور دنیا کی بین الاقوامی تعلقات میں بڑی تبدیلی لایا ہے۔ انہوںنے کہاکہ سرحدوں کی قید سے ماورا وژن لوگوں کو انفراسٹرکچر کے جال کے ذریعے جوڑ رہا ہے، یوکرین کی جنگ ختم نہیں ہوئی اور فلسطین میں جنگ بھڑک اٹھی ہے۔
احسن اقبال نے کہاکہ اسرائیل مغرب کی غیر مشروط حمایت سے فلسطین پر ظلم وبربریت کر رہا ہے،غزہ بچوں کا قبرستان بن گیا ہے۔ احسن اقبال نے کہاکہ نسل کشی کا نشانہ بننے والوں کے حق میں آواز اٹھانے پر چین کو خراج تحسین پیش کرتے ہیں۔ انہوںنے کہاکہ بیلٹ اینڈ روڈ عالمی تعاون اور اشتراک عمل کی حیران کن مثال بن چکا ہے، بی آر آئی میں دنیا کے مشکل مسائل حل کرنے کی صلاحیت موجود ہے۔
انہوںنے کہاکہ سی پیک پاکستان اور چین کی ترقی کی صلاحیت رکھنے والا منفرد منصوبہ ہے، سی پیک سے پاکستان معاشی سرگرمیوں کا علاقائی مرکز بن گیا ہے۔ انہوںنے کہاکہ بی آر آئی کے نشان ساؤتھ ایسٹ ایشیا، ساؤتھ ایشیا اور سینٹرل ایشیا تک پھیل چکے ہیں، یہ ساؤتھ ساؤتھ تعاون کی عمدہ مثال ہے۔ انہوںنے کہاکہ بندرگاہوں، سڑکوں اور ریل کے ذریعے ایشیا، یورپ اور افریقہ کو جوڑنے کا ذریعہ یہ منصوبہ عالمی معیشت کے لئے نہایت اہم ہے۔
سابق وزیر نے کہاکہ سیاسی جماعتیں عوام کیلئے فیصلہ سازی کرتی ہیں، سیاسی جماعتوں میں تعاون مستقبل کی صورت گری میں نہایت اہم ہے۔ احسن اقبال نے کہاکہ دنیا کو آج سب سے بڑھ کر تعاون کی راہ اپنانے کی ضرورت ہے، احسن اقبال
