لاہور (شوبز رپورٹر) ماڈل، اداکارہ و ٹی وی میزبان وینا ملک نے کہا ہے کہ وہ حسن پرست عورت ہیں‘ شادی کیلئے خوبصورت مرد ہی چاہئے۔
ایک ٹی وی پروگرام کے دوران بات کرتے ہوئے وینا ملک نے دعوی کیا ہے کہ انہیں تاحال شادی کے لیے متعدد پیش کش آتی ہیں جب کہ ان کے والدین کے پاس بھی ان کے رشتے آتے ہیں۔ان کا کہنا تھا کہ وہ شادی کے پیغامات کو نظر انداز کردیتی ہیں، کیوں کہ جب انہیں شادی کرنی ہی نہیں تو ایسے پیغامات پر وہ کیا رد عمل دیں۔
ایک سوال کے جواب میں وینا ملک نے بتایا کہ وہ سیدھی سادی حسن پرست عورت ہیں، انہیں شادی کے لیے دراز قد، خوبصورت اور مکمل چیزوں والا مرد ہی چاہیے۔وینا ملک کا کہنا تھا کہ وہ اس معاملے میں صاف ہیں کہ جو شخص بدصورت ہے تو وہ بدصورت ہی ہے، وہ حسن پرست اور خوبصورتی کی قائل ہیں۔ اداکارہ نے واضح کیا ہے کہ ان کے شہریار چوہدری نامی شخص سے اچھے تعلقات ہیں لیکن تاحال انہوں نے ان سے شادی کا حتمی فیصلہ نہیں کیا۔
