کراچی(نیوز ڈیسک)سینئر وزیر سندھ شرجیل انعام میمن نے کہا ہے کہ ریڈ لائن بی آر ٹی صرف ایک منصوبہ نہیں بلکہ کراچی کے مستقبل کی شہ رگ ہے۔ایک بیان میں شرجیل میمن نے کہا کہ ریڈ لائن بی آر ٹی سندھ حکومت کا اہم عوامی منصوبہ ہے، کام دوبارہ شروع ہونے کے 2، 3 ماہ بعد شہریوں کو واضح بہتری محسوس ہوگی۔
انہوں نے کہا کہ ریڈ لائن بی آر ٹی صرف ایک منصوبہ نہیں بلکہ کراچی کے مستقبل کی شہ رگ ہے، کوشش ہے کہ زیر تعمیر حصوں کو مرحلہ وار بحال کرکے ٹریفک کے لیے کھولا جائے۔سینئر وزیر سندھ نے کہا کہ میگا پروجیکٹس سے عوام کو عارضی تکلیف کا سامنا ہوتا ہے، حکومت کو اس بات کا احساس ہے۔ا نہوںنے کہا کہ ٹریفک کی روانی بہتر بنانے کے لیے متعلقہ اداروں کو واضح ہدایات جاری کی ہیں، مفادِ عامہ کو ترجیح دیتے ہوئے حکومت سندھ نے تمام معاملات کا تفصیلی جائزہ لے کر موثر فیصلے کیے ہیں۔شرجیل میمن نے کہا کہ منصوبے کا مقصد شہریوں کوجدید، ماحول دوست اور معیاری سفری سہولیات فراہم کرنا ہے۔
