تہران(انٹرنیشنل نیوز)ایرانی صدر مسعود پزشکیان نے کہا ہے کہ ایران کو طاقت کے ذریعے ہتھیار ڈالنے پر مجبور کرنا محض ایک خوش فہمی ہے۔انھوں نے یہ بات سوشل نیٹ ورک ایکس پراپنے ایک پیغام میں کہی۔
ایرانی صدر نے لکھا کہ ایران نے اپنے وعدوں پر مسلسل عمل کیا ہے اور جنگ کو روکنے کے لیے تمام آپشنز تلاش کیے ہیں؛ ہماری طرف سے تمام راستے کھلے ہیں۔انھوں نے کہا کہ ایران کو طاقت کے ذریعے ہتھیار ڈالنے پر مجبور کرنا ایک فریب سے زیادہ کچھ نہیں ہے۔
سفارت کاری میں باہمی احترام جنگ سے زیادہ دانشمندانہ، محفوظ اور زیادہ پائیدار ہے۔مسعود پزشکیان کا بیان امریکی صدر ڈونلڈ ٹرمپ کے اس بیان کے بعد سامنے آیا جس میں ٹرمپ نے خبردار کیا تھا کہ ایران کے ساتھ مذاکرات آخری مراحل میں ہیں تاہم اگر تہران معاہدے پر رضامند نہیں ہوا تو مزید حملے کیے جائیں گے۔
