ڈائریکٹر جنرل اینٹی کرپشن اسٹیبلشمنٹ پنجاب سہل ظفر چٹھہ کے مطابق محکمہ اینٹی کرپشن کے اسسٹنٹ ڈائریکٹر انوسٹی گیشن وہاڑی عدنان کو گرفتار کرلیا گیا ہے۔ملزم عدنا ن خود کو ڈائریکٹر سائبر کرائم ظاہر کر کے سٹہ بازوں اور مختلف لوگوں کے گھروں میں غیر قانونی طور پرچھاپے مارتا تھا اور ان کے گھروں میں لوٹ مار کرتا تھا ملزم کومحکمہ اینٹی کرپشن اور سائبر کرائم نے جوائنٹ انوسٹی گیشن کے ذریعے ٹریس کر کے گرفتار کر لیا۔
اسسٹنٹ ڈائریکٹر انوسٹی گیشن عدنان سے محکمہ اینٹی کرپشن اور سائبر کرائم نے چھاپہ مار کر 91 لاکھ روپے بھی برآمد کر لئے۔ ملزم سے محکمہ اینٹی کرپشن پنجاب اور سائبر کرائم مزید تفتیش کر رہے ہیں۔
