کراچی (شوبز ڈیسک)فیروز خان نے کینسر میں مبتلا مداح کی عیادت کی،ویڈیو کو شیئر کیا۔ ویڈیو پر کومنٹ کرتے ہوئے فیروز خان نے ایک جذباتی نوٹ بھی تحریر کیا۔اداکار فیروز خان نے اپنیسوشل میڈیا پر ایک ویڈیو شیئر کی۔ جس میں انہیں اپنے مداح سے اسپتال میں ملاقات کرتے دیکھا جا سکتا ہے۔
اداکار نے ویڈیو کے کیپشن میں لکھا کہ انہیں ایک نامعلوم نمبر سے کال آئی اور انہیں بتایا گیا کہ ان کا ایک مداح جو کینسر میں مبتلا ہے۔ ڈاکٹر نے اس سے وعدہ کیا ہے کہ اگر وہ علاج میں تعاون کرے گا تو وہ اسے فیروز خان سے ملوائیں گے۔فیروز خان مداح کو سرپرائز دیا۔
جس پر وہ بیحد خوش ہوا۔ اداکار نے مداح کو گلے بھی لگایا۔فیروز خان کے اس عمل پر انہیں مداحوں اور سوشل میڈیا صارفین کی جانب سے خوب سراہا جارہا ہے۔سوشل میڈیا صارفین کے تعریفی کومنٹس پر رپلائی کرتے ہوئے فیروز نے لکھا کہ آپ سب کے اتنے پیار کا بہت شکریہ۔
بس سب کو پتہ ہونا چاہیے کہ انسان کے دو روپ ہوتے ہیں۔ اچھے کے لیے اچھا اور برے کے لیے بہت اچھا ، ساتھ ہی فیروز نے لکھا کہ سمجھ تو گئے ہونگے آپ ۔ تو میری تعرفیں نہیں کرو، جاو جاکر آس پاس دیکھو لوگوں کو تھامو ان کو پیار کرو گلے لگاو!سب ڈرپوک ہیں یہاں ضرورت کے وقت گلے لگانے کی طاقت نہیں ۔ لڑائیاں بزدل لوگ کرتے ہیں. بہت شکریہ آپ کا سب کا کچھ نہیں ۔
