جوہر(سپورٹس ڈیسک)کومل خان کی قیادت میں پاکستان انڈر 19 ٹیم آج ہفتہ کو آئی سی سی ویمنز انڈر19 ٹی ٹوئنٹی ورلڈ کپ میں اپنا پہلا میچ امریکہ کے خلاف کھیلے گی،پاکستان ٹیم کا گروپ بی میں دوسرا میچ 20 جنوری کو انگلینڈ اور تیسرا میچ 22 جنوری کو آئرلینڈ کے خلاف ہوگا۔
تینوں میچز جوہور کرکٹ اکیڈمی اوول، جوہور میں کھیلے جائیں گے جو پاکستانی وقت کے مطابق صبح ساڑھے گیارہ بجے شروع ہونگے۔گروپ مرحلے کے اختتام پر چار گروپس اے، بی، سی اور ڈی میں سے ہر ایک کی تین ٹیمیں سپر 6 مرحلے میں پہنچ جائیں گی۔ گروپ اے اور ڈی، اور بی اور سی کی سب سے نیچے کی ٹیمیں 24 جنوری کو آخری جگہ کے پلے آف میں مقابلہ کریں گی۔سپر 6 مرحلے میں ہر ٹیم اپنی جیت، پوائنٹس اور نیٹ رن ریٹ آگے بڑھائے گی جو سپر 6 کوالیفائنگ ٹیموں کے خلاف ہوں گے۔
سپر6 مرحلے کے دو گروپوں میں سے ٹاپ دو ٹیمیں سیمی فائنل کے لیے کوالیفائی کریں گی۔ سیمی فائنلز 31 جنوری کو ہوں گے جبکہ ٹورنامنٹ کا فائنل 2 فروری کو کھیلا جائے گا۔پاکستان نے میگا ایونٹ کی تیاری کے لیے 13 اور 15 جنوری کو نائیجیریا اور آسٹریلیا کے خلاف وارم اپ میچز کھیلے۔ اس نے نائیجیریا کو 11 رنز سے شکست دی جبکہ آسٹریلیا کے خلاف اسے ڈی ایل ایس کے تحت 54 رنز سے شکست ہوئی۔ اس سے قبل پاکستان ٹیم نے کراچی کے حنیف محمد ہائی پرفارمنس سینٹر میں نو روزہ تربیتی سیشن کیا تھا جس میں کھلاڑیوں نے ہیڈ کوچ محسن کمال اور ان کے کوچز کی نگرانی میں ٹریننگ کی تھی۔کپتان کومل خان کے مطابق ہمارا گروپ کچھ عرصے سے ایک ساتھ ہے جس نے پچھلے چند ہفتوں کے دوران اپنے کھیل پر بہت زیادہ محنت کی ہے اور ہم میں اچھی کارکردگی دکھانے کا بھرپور جذبہ موجود ہے۔
ہمارا حتمی ہدف یہ ہوگا کہ ہم اپنے بہترین کارکردگی کو سامنے لائیں جب ہم اپنے گروپ میچوں میں امریکہ، انگلینڈ اور آئرلینڈ کا مقابلہ کریں گے تو نتائج کو اپنے حق میں کرنے کی پوری کوشش کریں گے۔ ہمارے پاس بولنگ اور بیٹنگ کے شعبوں میں ورائٹی اور ٹیلنٹ ہے اور ٹریننگ اور وارم اپ کے ساتھ اگلے پانچ دنوں میں تین انتہائی اہم میچ ہم سب کو کارکردگی دکھانے کے لیے پرجوش کردیتے ہیں۔پاکستان اسکواڈ میں کومل خان (کپتان) ( لاہور) زوفشاں ایاز (نائب کپتان) (واہ کینٹ) علیسہ مختیار (مظفر گڑھ) اریشہ انصاری (قصور) فاطمہ خان ( لاہور) ہانیہ احمر (کراچی) ماہم انیس (اسلام آباد) ماہ نور زیب (مردان) میمونہ خالد (لاہور) مناہل (فیصل آباد) قرة العین (سیالکوٹ) راویل فرحان (لاہور) شہر بانو (لودھراں) طیبہ امداد (ایبٹ آباد) اور واصفہ حسین (کراچی)،نان ٹریولنگ ریزرومیں فضا فیاض ( لاہور) لائبہ ناصر ( لاہور) مناہل جاوید ( لاہور) روزینہ اکرم (اسلام آباد) اور ثانیہ رشید (راولپنڈی) جبکہ پلیئر سپورٹ اسٹاف میں محسن کمال (ہیڈ کوچ) حنیف ملک (اسسٹنٹ کوچ) ناہیدہ خان (فیلڈنگ کوچ) اسفندیار ( اسٹرینتھ اینڈ کنڈیشننگ کوچ ) ڈاکٹر رابعہ ( فزیوتھراپسٹ ) عثمان شاہد (انالسٹ ) ڈاکٹر خرم سرور ( ٹیم ڈاکٹر ) حنا منور ( منیجر ) محمد رفیع اللہ (میڈیا اور ڈیجیٹل منیجر) شامل ہیں ۔
