نئی دہلی (انٹرنیشنل ڈیسک)بھارتی اپوزیشن جماعت کانگریس کی بھارت جوڑو یاترا دارالحکومت نئی دہلی پہنچ گئی، راہول گاندھی نے حضرت نظام الدین اولیا کے مزار پر حاضری دی۔
نئی دہلی میں بھارت جوڑو یاترا کے پہنچنے پر کانگریس نے جشن منایا، کانگریس کی یاترا 108دن بعد نئی دہلی پہنچی ہے، یاترا کے نئی دہلی پہنچنے پر سونیا گاندھی بھی کچھ دیر کیلئے اس میں شریک ہوئیں۔یاترا کا آغاز 7 ستمبر کو تامل ناڈو سے ہوا تھا، جس کا مقصد فرقہ واریت، بے روزگاری، نفرت، مہنگائی کے خلاف لڑنا ہے۔
