اسلام آباد(نیوز رپورٹر)سپیکر قومی اسمبلی سردار ایاز صادق نے آپریشن سوئفٹ ریٹارٹ کے 6 سال مکمل ہونے پر مسلح افواج کو خراج تحسین پیش کرتے ہوئے کہا ہے کہ پاک افواج نے وطن عزیز کے دفاع کے لیے لازوال قربانیاں پیش کی ہیں۔
27 فروری 2019 کو مسلح افواج نے ثابت کیا کہ وہ اپنی سرحدوں کے دفاع کی بھرپور صلاحیت رکھتی ہے ۔ اپنے بیان میں سردار ایاز صادق نے کہا کہ آپریشن سوئفٹ ریٹارٹ میں پاکستانی ایئر فورس نے اپنی عسکری صلاحیتوں کا مظاہرہ کرتے ہوئے بھارتی دراندازی کا منہ توڑ جواب دیا۔ پاک افواج کے بہادر جوان ملک کے دفاع کے لئے ہمہ وقت تیار ہیں۔پاکستانی قوم کو اپنی بہادر اور با صلاحیت پاک افواج پر فخر ہے۔
سپیکر سردار ایاز صادق نے کہا کہ مادر وطن کے دفاع کے لئے مسلح افواج کی قربانیوں کو ہمیشہ یاد رکھا جائے گا ۔پوری قوم ملک کے دفاع کے لیے اپنی پاک افواج کے ساتھ سیسہ پلائی ہوئی دیوار کی مانند کھڑی ہے۔
